سعدنا بكم ونرجوا أن نكون اسعدناكم.. لقطات من حفل ويجز في السعودية

شارك مطرب الراب الشهير ويجز، جمهوره ومتابعيه عبر حسابه الرسمي بموقع تبادل الصور والفيديوهات انستجرام، مجموعة صور جديدة له من حفله الأخير في المملكة العربية السعودية.

تحيا مصر يرصد في ذلك التقرير تفاصيل حفل ويجز في السعودية 

ويجز يتألق في حفله بالسعودية

وظهر ويجز في مجموعة لقطات من حفله الأخيرة في السعودية بمدينة الرياض، وذلك تحت إشراف تركي ال الشيخ، رئيس الهئية الترفيهية في المملكة، وعلق ويجز على الصور، قائلا: سعدنا بكم ونرجوا أن نكون اسعدناكم.

ويجز وأعماله المقبلة

من ناحية أخرى، تحدث ويجز عن أعماله الغنائية المقبلة، فقال في تصريحاته على et بالعربي: حاليًا أنا مركز أوي في موضوع الألبوم، ولسه بدري عليه، وبحس أني فخور بنفسي لما بلاقي حد تاني بيغني، وبحس أن المزيكا دي ابتدى يكون ليها شكل جديد، وناس جديدة بتطلع على طول بتعمل مزيكتها وبتعمل شكلها، ودا بيخليني أنا نفسي أسخن تاني.

وتابع: فكرت أعمل ديو مع أنغام الملكة، لكن أنا في حتة وهي في حتة، ومتحمس جدًا نشتغل مع بعض، وأتمنى أعمل ديو مع اليمني حمود السمة، ده رجل عالمي.

وبسؤاله عن إمكانية مشاركته في عمل درامي بعد بيمبو: لسه ملقتش حاجة بس متحمس مش أكتر، وهي شغلانة بتاخد وقت كتير أوي، وبتحتاج من الشخص التزام وأنا مش ملتزم أوي اليومين دول، وإن شاء الله هلتزم.

ويجز وأزمته مع عمرو مصطفى

من ناحية أخرى، تعرض ويجز لهجوم كبير من المحلن والمطرب عمرو مصطفى، حيث قال في تصريح تليفزيوني: "الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع، على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود".

ورد ويجز على تلك الاتهامات بطريقة طريقة حيث شارك صورة له عبر موقع انستجرام، وعلق عليه: “أحب أشكر كل الرجالة اللي تعاونوا معايا في أغاني الحقبة”، مشيرا إلى جميع الموزعين الذي عمل معهم.