كنت هطلبلها البوليس.. فريدة سيف النصر تكشف عن موقف لها مع معجبة

كشفت الفنانة فريدة سيف النصر عن موقف لها مع معجبة، ذهبت إلى منزلها بعد منتصف الليل، لكي تتصور لها معها، لتهددها الأخيرة بالمغادة وإلا طلبت لها الشرطة.

تحيا مصر يرصد موقف فريدة سيف النصر مع معجبة لها.

فريدة سيف النصر تقرر طلب الشرطة لمعجبة

وكتبت فريدة سيف النصر عبر حسابها الرسمي بموقع التواصل الاجتماعي فيس بوك: يمكن حرامية.. أنا في القاهرة في عز الحر القمر الجميل، مخصوص للاستعداد لانترفيو مهم، فبظبط حاجتي، وعندي شاهد على اللي بقوله، معدة البرنامج المحترمة معايا على الموبايل، وإذ الباب يخبط بشدة، نعم خير، والكلاب هاجت وماجت في حد غريب، أنا طبعًا سألت مين، الست قالت أنا، لهجتها مش مصري ومش خليجي ولا شامي.

تصريحات فريدة سيف النصر 

وتابعت: أصرت على كلمة أنا افتحي، المعدة قالت لي لأ الساعة واحدة ونص، قُلت لها في إيه، قالت عايزين نتصور معاكي، معايا بنات وحضرة البوابه نايمين، قُلت لها امشي من هنا، وخلي عندك ذوق، حد بيتصور دلوقتي؟!، مش عايزة تمشي والكلاب هاجت قُلت لها هطلب لك البوليس، قالت هاجي لك الصباح،..هو في كدة في الدنيا فعلًا الناس الجداد دول مافيش تمييز خالص.

من جانبه، كانت قالت فريدة سيف النصر خلال لقائها مع الإعلامية إيمان الحصري: أستاذ محمد سامي أنا معرفوش أول مرة أشتغل معاه، قولتله ليه جايبني في حاجة صغيرة ضيفة شرف، قالي أنا كنت عايز حد محترم مهزقش نفسه وتقيل، وكنت بصور جعفر العمدة وأنا رجليا تعبانة، ومحمد رمضان يخش عليا الاستديو يقولي يا وش الخير يا وش السعد.

وتابعت: على السوشيال ميديا اللي بيعمل حاجة غلط بهزقه، والناس بتقولي بلاش أنتي عشان احنا بنحبك، ومن الحاجات اللي بتستفزني على السوشيال ميديا أوعي تيجي جمب مصر بأي شكل من الأشكال.

وأضافت: أنا جدة تافهة ولذيذة جدا، ومقلبني في إكسسواراتي، وباخد منهم إذن قبل ما أنزل.. وأنا مشتغلتش ولا اتجوزت تاني بسبب ابني، وكنت واخدة قرار بدا.. أنا أساسا صعيدية وتركيبتي زي أمي، ومقدرش أسيب ابني مع راجل غريب وأنزل الشغل.

فريدة سيف النصر تتألق في جعفر العمدة 

وتألقت فريدة سيف النصر خلال أحداث مسلسل جعفر العمدة، الذي  بدور راقصة، وتخوض بطولته إلى جانب كل من النجوم: أحمد داش، منذر رياحنة، أحمد فهيم، منة فضالي، محمد رمضان، ايمان العاصي ، زينة، هالة صدقى، مى كساب، عصام السقا،مجدى بدر، دعاء حكم، أحمد داش، بيومى فؤاد، فريدة سيف النصر، جورى بكر، لما كتكت، طارق النهرى، أحمد عبد الله.