منذ عرضه.. فيلم ع الزيرو يتصدر حديث مواقع التواصل الإجتماعي

حقق فيلم "ع الزيرو" نجاحا كبيرا منذ بداية عرضه يوم ٢ اغسطس و نجح ان يتصدر مؤشرات البحث عالفيس بوك، ونال إشادات النقاد والجمهور.

تحيا مصر يرصد في ذلك التقرير تفاصيل ونجاحات فيلم ع الزيرو 

اشادات بـ فيلم ع الزيرو

وجاءت الاشادات بـ فيلم ع الزيرو على هذا النحو: حقيقي انا مبسوطة إن فيلم ع الزيرو بيوضح المعاناة اللي بيعيشها مريض السرطان وصراع رحلة العلاج الحقيقية اللي بيخوضها كل اب عشان ينقذ ابنه  فيلم ع الزيرو مستوى التوقعات وبدون مبالغة افضل افلام محمد رمضان.

وكتب أخر: اعتقد إن دا الفيلم الوحيد اللي شوفته من زمان بيحكي قصة واقعية لناس واطفال كتير وسطنا وومبسوطة بيه جدا لإنه عمل متكامل من الدراما والتشويق والكوميديا والأكشن حقيقي برافو.

تفاصيل فيلم ع الزيرو

ويعد فيلم "ع الزيرو" من تأليف الدكتور مدحت العدل، إخراج محمد جمال العدل، إنتاج جمال العدل، بطولة محمد رمضان، نيللي كريم، جومانا مراد، إسلام إبراهيم، شريف دسوقي، الطفل منذر مهران.

تدور أحداث الفيلم في إطار اجتماعي، حول رجل يعاني نجله من مرض خطير، يحاول إنقاذه، الأمر الذي يتطلب إجرائه عملية كبيرة تتكلف أكثر من مليون جنيه، ليعيش الجمهور معه محاولاته العثور على المال بطرق مختلفة.

محمد رمضان يتحدث عن فيلم ع الزيرو

وكان قد تحدث محمد رمضان عن فيلم "ع الزيرو"، فقال: فخور بالعمل مع فريق الفيلم  لأن المشروع الناجح منظومة متكاملة.. وأنا بميل للتغير، عملت عبده موته وغيره ودايمًا حريص على التنوع، وأهم ما يميز العدل جروب إنهم عاشقين للفن شركة ليها تاريخ عظيم، خطواتنا بترسم ملامحها، ساهموا في صناعة جيل كامل في السينما والدراما، شركة عاشقة للفن وبتهيأ للنجم مناخ فني دائم، المناخ الفني السليم يثمر عنه عمل فني سليم.

أما عن اسلام ابراهيم فقال: أتمنى يكون دمي خفيف على الجمهور في الفيلم، اتبسطت جدا بالشغل مع العدل جروب، العدل فعلا مش بيعملوا حاجة وحشة، بيبذلوا مجهود جامد جدا، وبيشتغلوا على عناصر الفيلم كويس، من الإخراج للكتابة والإنتاج.