أزمة الأوردر غير الشرعى تصل البرلمان ..نائب «تصرفات المندوب لا تمت للأمانة بصلة»..محامية:«والله ما أشغله عندى»

"دي نطاعة.. يعني ايه يفتح أوردر بتاع المشتري..هو ماله هاتلبسه شرعي ولا في البيت.. مالوش فيه، شغلته يوصله مش انه وصي علي الناس"، بهذه الكلمات علقت إحدى رواد مواقع التواصل الاجتماعي على منشور نشرته إحدى السيدات كدعاية لمندوب شحن رفض توصيل منتج غير شرعي.

تحيا مصر

منشور دعائي لمندوب شحن رفض توصيل منتج غير شرعي

بدأت القصة بمنشور نشرته إحدى السيدات على حسابها الشخصي بموقع التواصل الاجتماعي " فيسبوك"، وكان مضمون المنشور، إنها طلبت أوردر "عبارة عن ملابس يمكن أن ترتديها داخل وخارج المنزل"، من إحدى الصفحات التي تقوم ببيع منتجاتها أونلاين، وعندما تواصل معها مندوب الشحن، طلب منها أن تعيد التواصل مرة أخرى مع الصفحة عن طريق الواتس أب، لتوضيح العنوان، وبعدها فوجئت بتواصل البنت مسؤولة الصفحة متسائلة: " هو حضرتك هتلبسي محتوى الأوردر في البيت ولا فين؟؟، لأن المندوب شاف المحتوى، وقلق لأنه لا يقوم بتوصيل الأوردرات غير الشرعية، بالإضافة إلى إنه سأل عما كنت وضحت لحضرتك أن به ديفوه أم لا، وده من باب الأمانة، وعرفته أن فعلًا أنا وضحت لحضرتك أن المنتج فيه ديفو، لذلك قللت في سعره".

النائب محمود بدر لـ«ندوة التنسيقية»: «تمرد» كانت تهدف للخلاص من جماعة الإخوان الإرهابية.. وجمعنا أكثر من 22 مليون توقيع

المحامية رشا صبري لـ تحيا مصر:أنا ضد حق الكد والسعاية.. وفيه سيدات كتير مؤذيين وملهمشي أي دور في الحياه «فإزاي يخدوا نص الثروة»..صور وفيديو

واستكملت صاحبة المنشور:" بصراحة اندهشت من تصرف المندوب وحرصه على عدم الوقوع في أي مخالفة، واتقانه لله سبحانه وتعالى في شغله، عشان كدا قررت أنزل رقم المندوب دا واسمه وأعمل له إعلان هنا من بعد ما خليت زوجي استأذنه طبعًا- وأتمنى أي حد شغال في نطاق القاهرة الكبرى وضواحيها.. إنه يتعامل معاه ويشجعه".

وتابعت في منشورها:" المنتج كان محطوط في شنطة هدايا مفتوحة وظاهر جدًا، عشان كدا هو شافه وشاف الديفوه اللي فيه من بعد ما استأذن اللي باعته الأوردر، يعني هو ما تعداش على خصوصيات بأمانة".

حالة جدل تسيطر على مواقع التواصل الاجتماعي بعد انتشار المنشور الدعائي

وشهدت مواقع التواصل الاجتماعي حالة من الجدل، بعدما انتشر هذا المنشور، ورفض الكثير فعل المندوب، واعتبره خيانة للأمانة، وكان من ضمن الرافضين لتصرفه، النائب محمود بدر، عضو مجلس النواب عن تنسيقية شباب الأحزاب والسياسيين، فقد علق على حسابه الخاص بموقع التواصل الاجتماعي " فيسبوك" بعدما أعاد نشر المنشور:"وبالنسبة انه اتجسس علي حاجة متخصهوش دا شرعي عادي طبعا… وبالنسبة انه حشر مناخيره في حياة خلق الله دا عادي يعني .. وبالنسبة للزوج المتدين جدا اوي خالص اللي سمح للسرسجي ده انه يفتح حاجات خاصة بمراته وانه يدي لنفسه الحق يسأل المدام هتلبس الحاجة دي في البيت ولا فين فده برضه عادي .. دا كمان مبسوط بيه واستأذنه يعمله دعاية..جماعة المورستان ارحم من الكلام ده والله".

رشا صبري تستنكر فعل المندوب

كما رفضت المحامية رشا صبري تصرف مندوب الشحن معلقة على المنشور بعد إعادة نشره :" وعهد الله مانا مشغلاه لأنه متطفل وغير أمين".

وتوالت التعليقات الرافضة للتصرف، والرافضة للدعاية الرخيصة على حد وصف البعض من رواد مواقع التواصل الاجتماعي، حيث علقت ايناس. ع " دا المندوب بيعمل ماركتينج لنفسه . مفقوس أووي"، في حين علقت هدى.ا بـ "هى مبسوطة ان الدليفرى بيمارس الوصاية عليها كعميلة ؟ حاجة عظمة والله".