محمد صبحي: السوشيال ميديا بتعلم أطفالنا المثلـ ـية والإلحاد وبيع الوطن.. والتليفون بيمنعنا من الصلاة

صرح الفنان محمد صبحي بعدد من التصريحات الجريئة، وذلك خلال ندوته التي أقامها منذ قليل ضمن معرض الساقية للكتاب، وذلك لمناقية كتاب الاساتذة وتوضيح رأيه في عدد من الأشياء.

تحيا مصر يرصد في ذلك التقرير تصريحات محمد صبحي خلال ندوته في معرض الساقية 

محمد صبحي: السوشيال ميديا مجزرة بتروج لأطفالنا المثلية

وقال محمد صبحي خلال الندوة: السوشيال ميديا أصبحت مجزرة، وبتروج لأطفالنا كارتون يعلمهم المثلية والإلحاد وبيع الوطن، وتحس إن أهلك هما بتوع السوشيال ميديا، والتليفون بقى أداء بتعطلنا عن الصلاة، ورغم إن الشعب المصري عظيم إلا أن الشعب اليباني عظيم عشان اتقانه في العمل.

وتابع محمد صبحي حديثه، فقال: إحنا أحفادنا وأولادنا للأسف مبقوش شيء عظيم، ده جيل يا هيبني أمة يا هيهدمها، لو في أب وأم مش متربيين أصلا هيربوا أولادهم إزاي، وفي الآخر بنجيبها في الدولة، إحنا عندنا أزمة في تعداد السكان وكلما زاد السكان كانت نقمة.

واختتم: الفنان بيقدم دعارة فنية بيوريك لما تقتل وتبقى بلطجي هتبقى بطل، أنت لو شوفته هتبقى بتعمل زيه.

محمد صبحي: برامج المقلب مهينة للي عارف ورايحها

وكان قد كشف الفنان محمد صبحي عن عدم مشاهدته مسلسلات رمضانية مشيرا إلى ضيق وقته بسبب انشغالع بأعماله المسرحية ودوراته التدريبية التي يقيمها كل فترة، موضحا: ممارستنا لشعائر رمضان اتغيرت برنامج يجيب الناس ويهزقهم احنا في عصر التفاهه كل ما هو تافه لا أحترم عقلي وأنا أشاهده".

وتابع محمد صبحي حديثه: أخطر اختراعين في العصر الحديث المسدس والفيسبوك اللي خلى الجاهل يصلح للمثقف، متهنش عقلك ولا تناقش حد اعملوا بلوكات، البرامج الهبل بتاعة المقالب مهينة للي عارف ورايح أحنا كان عندنا برامج لذيذة زي ابراهيم نصر عمره ما هان ضيف وكنا بنضحك بجد انما عشان أجيب ضيف أشتمه ليه؟، لا استطيع أن أناهض التفاهة لأني مش تافه".

تصريحات محمد صبحي عن الفن

وفي وقت سابق، كشف الفنان محمد صبحي عن رأيه تجاه تقديم العنف في الأعمال الفنية، فقال:“لما تجيبي واحد بيدبح، وواحد من بلد تانية يشوفه هيخاف ييجي مصر.. في حقيقة الأمر ما ينفعش أجيب استثناء وأعمل عليه دراما فنية عشان أشجعك تاخد حقك بدراعك مش بقانون الدولة".