أول رد من الموسيقيين بشأن فيديو "انتي معفنة" لـ عمر كمال وحمو بيكا

كشف الدكتور محمد عبدالله، المتحدث الرسمي باسم نقابة المهن الموسيقية موقف الموسيقيين من فيديو “انتي معفنة”، والذي طرحها مطرب المهرجانات الشعبية عمر كمال بالتعاون مع حمو بيكا.

تحيا مصر يرصد في ذلك التقرير موقف النقابة من فيديو انتي معفنة لـ عمر كمال وحمو بيكا 

موقف النقابة من انت معفنة لـ حمو بيكا وعمر كمال

وقال محمد عبدالله خلال لقائه بـ موقع تحيا مصر:  النقابة متخذتش قرارًا بشأن فيديو عمر كمال وحمو بيكا، وده لأنهم نزلوه في وقت النقابة فيه كان مشغولة في الانتخابات فمكنش لسة اتشكل إدارة في وقتها، وكمان لم يقدم شكوى بشأن الفيديو.

وعن أزمة ملابس محمد رمضان في حفلاته مع الجمهور قال محمد عبد الله: الموضوع معروض على النقابة ولم تقدم اي شكاوى ضده، ومحمد رمضان بيجي نقابة المهن الموسيقية للحصول على تصريح بالغناء فقط، ومحمد رمضان خاضع لنقابة المهن التمثيلية والموسيقية وميجوزش ان الموسيقيين تحقق معاه واللي يحاسبه النقابة بتاعته، احنا ممكن نوقف التصريح لكن منحققش معاه.

الموسيقيين وجدل تصريحات محمد الحلو عن السعودية

وعن جدل محمد الحلو في السعودية، قال محمد عبد الله: محمد فؤاد حصل نفس الموضوع ده معاه والنقابة بتحاسب اللي بيسيء ويذم لكن مش اللي بيقول مدح او شكر، ومحمد الحلو قامة من القامات الكبيرة عندنا في مصر.

كما تحدث محمد عبدالله خلال لقائه بـ موقع تحيا مصر عن أزمة مطرب المهرجانات كزبرة مع الدكتور أحمد زويل، فقال: مطرب المهرجانات اعتذر وقال مش هكرر الفعل ده تاني وتم حذف صورة أحمد زويل من الفيديو.

تصريحات محمد عبدالله

يذكر، أنه سبق وأشاد محمد عبدالله بـ مصطفى كامل فقال: احنا مع الراجل  المبدع القوي الحساس الواضح الراجل اللي بسببه بيغني له مطربين كان هو اللي ليه الفضل بعد ربنا انهم يبقوا نجوم الصف الاول في التسعينيات ويغنوا في المملكه في عام ٢٠٢٣ .. ولو عملنا حفلات كتير مش هتخلص اجمل كلماتك.