حسن عبد الفتاح: متعرضش عليا بطولة بس أنا بحب ابقى جمب البطل

فجر  الفنان حسن عبد الفتاح عدة تصريحات حول سبب حبه للأدوار الثانية، وذلك خلال حواره مع الإعلامية انجي هشام في برنامج المنسي عبر قناة هي.

تحيا مصر يرصد تصريحات حسن عبد الفتاح. 

تصريحات حسن عبد الفتاح

وقال حسن عبد الفتاح: أنا مخدتش بطولة ولا اتعرضت عليا بس انا بحب ابقي جمب البطل ده ملعبي أنا بطل في ملعبي ، ممكن اعمل بطولة وممكن ميعديش هقعد اكتئب وارجع تاني اعمل الدور التاني، زي بعض الزملاء عملوا ده ورجعوا يعملو الأدوار التانية زي مثلا الاستاذ محمد لطفي عمل عبده مواسم كان بطولة وبعدين موفقش فرجع تاني وكمان الاستاذ ماجد الكدواني علشان كده مش عايز أخوض التجربة.

وتابع : بحب السفر بره لكن هنا فين وفين لحد ما يبعتلك حاجه لكن بره باخد دور وبمثل مع نجوم الوطن العربي من كل بلد ممثل.

وأضاف :' بحب السفر وبحب التمثيل بره كسينما وكمسرح وكمسلسلات لسا مخلص مسلسل في أبو ظبي عملت فيه ٤ أو خمس مشاهد، بحب السفر كتعامل جميل  وكفلوس.

سبب قلة أعمال حسن عبد الفتاح في مصر

من جانبه، كان قال حسن عبد الفتاح في تصريحات لموقع تحيا مصر أنا مش بعمل أعمال في مصركتير بس بعمل مسلسلات في لبنان وتركيا والسعودية.

وأضاف: أنا مظلوم شوية في الوسط الفني في مصر ومفيش حد بيطلبني كتير بس ربنا بيعوضي بالأعمال اللي بتطلب فيها بره مصر.

واستكمل: أنا اتعرفت في مصر بس بيبقى مفيش شغل وحد بيتصل بيا بره مصر ويقولي تعالى في عمل بوافق طبعًا وبروح.

كواليس مشاركة حسن عبد الفتاح في اكس لانس

وكشف الفنان حسن عبد الفتاح كواليس مشاركته في مسلسل إكس لانس والذي يقوم ببطولته الفنان محمد سعد والذي من المقرر عرضه في السباق الرمضاني المقبل 2023، وقال حسن عبد الفتاح في تصريحات خاصة لموقع تحيا مصر: مسلسل إكس لانس هو مسلسل جميل جدًا وهيعجب الجمهور أن شاء الله.

وأوضح تفاصيل شخصيته في المسلسل قائلًا: محمد سعد عنده عمارة في المسلسل وأنا هكون البواب بتاع العمارة، وهيبقى في مناكفة بيني وبين طول أحداث المسلسل.