مدحت العدل: مكنتش هحضر العرض الخاص لفيلم ع الزيرو.. وفيه مشروع يجمعني بمحمد رمضان قريب

كشف السيناريست مدحت العدل عن السبب وراء عدم حضور النجمة نيللي كريم العرض الخاص لفيلم ع الزيرو، وذلك خلال لقاء له ببرنامج ET بالعربي عن فيلم ع الزيرو.

تحيا مصر يرصد تفاصيل تصريحات مدحت العدل عن فيلم ع الزيرو

تصريحات مدحت العدل

وقال مدحت العدل: نيللي في ميكونوس وأنا نفسي مكنتش هحضر العرض الخاص لأن مهرجان جرش بدأ قبل العرض الخاص وتم تأجيل ندوتي هناك عشان اعرف احضر.

وبسؤاله عن تعاوناته الجديدة مع محمد رمضان قال مدحت العدل: فيه مشروع تاني هيجمعنا بمحمد رمضان وماندو العدل مش حابب اتكلم عليه دلوقتي، وهيبقى فيلم نوع مختلف، فيه أكشن ويحمل نفس الهم الشعبي والإنساني، ونتمنى نعمل مع رمضان 20 فيلم و20 مسلسل.

مدحت العدل:  أنا بحب المنافسة.. ولازم الناس تعرف أن المنافسة شيء جيد

وسبق وأن كشف السيناريست والمؤلف مدحت العدل عن رأيه في منافسة أفلام موسم الصيف هذا العام، مؤكدًا على أن المنافسة شيئًا جيدًا، ويصب في مصلحة السينما المصرية.

وقال مدحت العدل في تصريحات خاصة لموقع تحيا مصر: أنا بحب المنافسة ولو مفيش منافسة مش هجود ولازم الناس تعرف أن المنافسة شيء جيد، وأن أنا لما ببقى لوحدي، ايه حلاوة أني أجيب إيرادات ومفيش غيري، لكن لما بنبقى مع بعض، كلنا بنجود وبنحاول نقدم أحسن ما عندنا وكل دا بيصب في صالح السينما المصرية اللي هي القوة الناعمة.

أما بسؤاله عن السبب وراء تعاون شركة “العدل جروب” مع نجوم محددين فقط، قال مدحت العدل: احنا بنشتغل مع كل الناس، محمد رمضان اشتغلنا معاه قبل كدا في نسر الصعيد وكسر الدنيا، اشتغلنا مع منة شلبي في حارة اليهود، واشتغلنا مع ريهام حجاج، ومع نجوم الشركة زي يسرا ونيللي كريم وهكذا.

محمد رمضان في الدراما التلفزيونية

ومن الجدير بالذكر أن أخر أعمال محمد رمضان في الدراما التلفزيونية مسلسل جعفر العمدة، بطولة محمد رمضان وزينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، جورى بكر، طارق النهرى، أحمد عبد الله، احسان الترك وضيف الشرف بيومى فؤاد، ومن تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر.