غيرت حاجات مش عجباني ولا عجبة حد قلبه عليا.. أبيوسف يعلن عودته للجمهور بعد غياب

أعلن مطرب الراب الشهير أبيوسف عودته لـ الجمهور بعد غياب دام طويلا وذلك من خلال ألبوم جديد يطرح بمفرده وذلك لأول مرة بعد ألبوم تمام، موضحا سبب اختفائه الفترة الماضية.

تحيا مصر يرصد في ذلك التقرير سبب اختفاء أبيوسف وتفاصيل ألبومه الجديد

أبيوسف: شكرا على دعمكم ليا اخر فترة

وكتب أبيوسف عبر حسابه الرسمي بموقع تبادل الصور والفيديوهات انستجرام: شكرًا على دعمكم المعنوي اللي كان في آخر فترة أساسي ومهم جدًا، أنا عارف إنكوا مستنيين تسمعوا شغل جديد، وأنا متفهم ده بالذات لأنكو مسمعتوش مني شغل ليا لوحدي، وكنت مهتم أكتر بالتعاونات مع إخواتي كتير أوي، من أول فترة بيتروت، ونصرت العظيم، لرجوعي المكيليل وتعاوناتي مع تاج تيمي توأمي الموسيقي ميمو، والعالمي أوي مزيكو، والعبقري المبجل أحمد سانتا وغيرهم كتير.

وتابع: أنا كنت شغال على نفسي الفترة اللي فاتت وأنا عمري ما كنت بخبي عنكوا حاجة فأنا يمكن كنت بعيد حساباتي في حاجات كتير في حياتي، ويمكن أكون غيرت حاجات كتير فيا مكنتش عجباني ولا عاجبه أي حد قلبه عليا، وطبعًا ده مشوار مش بزرار، فأنا في المرحلة ديه شغال على نفسي، وبشكر كل الأسامي اللي فوق ويزيد عليهم ناس تانيه، عارفين نفسهم على وقفتهم جنبي للآخر.

أبيوسف يكشف تفاصيل ألبومه الجديد

واستكمل حديثه، معلنا عن ألبومه الجديد: ده أول ألبوم أعمله لوحدي من ساعة ألبوم تمام، وشغال عليه بقالي فترة طويلة، وديه مش عادتي، أنا عارف بس منظوري لشغلي ولنفسي ولحياتي أتغير فا ده هينعكس في اللي بعمله، آسف رغيت، بحبكوا يا مجانين يا همج، مش عارف إمتى خالص بس أنا كويس والدنيا تمام الحمد لله، وربنا بيحبني ومتأكد من ده علشان انتوا مهما بغيب بلاقيكوا أكتر من الأول في ضهري.

ألبوم أبيوسف الجديد

وكان قد كشف أبيوسف عن ألبوم بعنوان ليلة كان من المقرر أن يطرحه في يوم 16 من شهر أغسطس المنقضي ويتكون من 11 أغنية ومنها، أغنية أهو، فيرساتشي، بيو بيو، سبارتا، مسمار تايب بيت، أون ريبيت، هو ده، يسطا فكك.