تامر عاشور للجمهور: شكرا على حبكم وهردلكم الجميل بألبوم في فصل الدموع

وجه الفنان تامر عاشور الشكر لـ جمهوره وذلك عبر حسابه الرسمي بموقع تبادل الصور والفيديوهات انستجرام، واعدا الجمهور بألبوم جديد من المقرر أن يقوم بطرحه في موسم شتاء 2023.

تحيا مصر يرصد في ذلك التقرير تصريحات تامر عاشور للجمهور

تامر عاشور: بشكركم على تفاعلكم اللي لمسته بقلبي في حفل ليلة الدموع

ونشر تامر عاشور صورة له عبر موقع انستجرام، وعلقت عليه: مساء الفل على اجمل ناس في الدنيا في كل مكان حبيت اشكركم على تفاعلكم وحبكم اللي شفته بعيني ولَمسته بقلبي في حفل "ليله الدموع" في كل مكان حرفيا ببث مباشر على اعلى مستوى من mbc مصر اللي بشكرهم جدا عليه بالنيابه عن كل الجمهور المصري والعربي اذا سمحولي.

وتابع حديثه:  اشكركم على كل تعليقاتكم وحبكم المتواصل والمُستمر اللي بتمنى من ربنا يدوم واكون قد المسؤليه اللي بتحطوني فيها وانتو مش حاسين.

تامر عاشور: هديتي ليكم في الشتا هترد جزء من جميالكم عليا

واختتم بمفاجأة لهم: بس هديتي ليكم في الشتا هترد جزء من جمايلكم عليا ان شاء الله البوم كامل في "فصل الدموع - يظبط المود - وأول ما الصيف يبدأ يودعنا مش هسيبكم برضه دي جمايل ولازم تترد.

وتحدث تامر عاشور أيضا عن المطرب أحمد سعد، فقال: أحمد سعد بيغني أحسن من أي حد و ينافس ويُثابر ويبذل مجهود ويتحدى ويفرض نَفسه وذوقه وفنّه في كل مره لحد ما يوصل للي عايزه ويرضيه ومش اي حاجه ترضي فنان بقدرات وفن الراجل ده كل ده حصل وبجداره وتفوق وبيحصل وهيحصل كتير.

تامر عاشور عن أحمد سعد: لو اتكلمت عنه كلامي مش هيوفيه حقه

وتابع: ولو اتكلمت عن "احمد سعد " الجدع اللي ياريت كل الناس تبقى عندها نيّته وقلبه الابيض اللي ميختلفش عليه اتنين وناس كتير معاشرينه وعارفين ده ..كلامي مش هيوفّيه حقّه .. انا بحبك وبحترمك وبحترم مشوارك ونجاحك يا صديقي فوق الوصف وافتخر بيك ربنا يزيدك ويبعد عنك كل شر.