محسن جابر: مفيش زعل بيني وبين أنغام.. وأتمنى أنتج لشيرين عبد الوهاب

كشف المنتج محسن جابر تفاصيل خلافه مع المطربة أنغام، الذي وقع بينهما من سنين، وذلك خلال لقاء له ببرنامج ET بالعربي.

تحيا مصر يرصد تفاصيل تصريحات محسن جابر

محسن جابر: مفيش زعل بيني وبين أنغام

وقال محسن جابر: مفيش زعل بيني وبين أنغام الحقيقة، أنا بحب أنغام على المستوى الشخصي وبحب صوتها، وأنا منكرش دا حتى لو زعلان معاها، عملتلها ألبومين ناجحين جدا باعترافها هي شخصيا.

وتابع: كان فيه عقد بيني وبينها لمدة 3 سنين وفوجئت بأن جالها عرض أثناء العقد بتاعي ما كان شغال، وهي الإغراءات ميلتها وراحت سجلت مع الشركة التانية في الوقت اللي العقد بتاعي كان مازال قائم، فلجأت للقضاء، وهي زعلت عشان كسبت القضية والمحكمة حكمتلي بتعويض ونفذته.

محسن جابر: علاقتي بأنغام طيبة وأتمنى أنتج لشيرين عبد الوهاب

واستكمل: مش هقدر اقول اتصالحنا، بس التقينا أكتر من لقاء وكان أخرهم دعوة فطار في منزل الفنانة سميرة سعيد، وهي سلمت عليا ودردشنا كتير، وعلاقتي بيها علاقة طيبة، ودلوقتي دراعي مفتوح ليها في أي وقت على المستوى الشخصي وعلى المستوى الفني، وأمنيتي أنتج لشيرين عبد الوهاب، ولو حصل بينا لقاء هنسى العجز وهنتج ليها.

تصريحات محسن جابر عن أحمد سعد

وسبق وأن تحدث المنتج محسن جابر عن تفاصيل تعاونه مع المطرب أحمد سعد طوال مشواره الفني، مؤكدًا على أن أحمد سعد من اكتشافاته الفنية.

وقال محسن جابر خلال لقاء له ببرنامج ET بالعربي: أحمد سعد تخطى مرحلة المشاكل الاجتماعية وأصبح في الساحة أخباره الفنية تحتل منشتات الصحافة، الموضوع مش مصادفة، المصادفة أنك تعمل أغنية تنجح وأغنية تفشل.

وتابع: أحمد سعد من اكتشافاتي، كنت مكلف الموسيقار صلاح الشرنوبي بأنه يكتشف لأصوات جديدة كان منهم أحمد سعد، وأحمد سعد كان عايز شغل كتير بسبب مشاكله العائلية، فالإعلام كان بيكتب عن حالته الاجتماعية أكتر من الفنية، وابني كان واثق من نفسه وقالي متقلقش احنا هناخده لأرضنا.

واضاف: لما خانه الحظ لما لبس دانتيلا كان فيه استاند باي أغنية ومكانش توقيتها وطلع كتب اختياراتي مدمرة حياتي، وكسرت الدنيا والناس اتعاطفت معاها والناس سقفتله أنه اعترف.