كوين بنت كوين.. الجمهور يشيد بـ غادة عبد الرازق بعد تألقها في مسلسل حدث بالفعل

لاحقت النجمة غادة عبد الرازق إشادات واسعة من جمهورها على السوشيال ميديا، بمجرد عرض حكاية تحت الحزام ضمن أحداث مسلسل حدث بالفعل على منصة Jawwy TV.

تحيا مصر يرصد تألق غادة عبد الرازق في حكاية تحت الحزام.

الجمهور يتفاعل مع مسلسل حدث بالفعل بطولة غادة عبد الرازق 

وبدأ الجمهور يتفاعل مع المسلسل على السوشيال ميديا وكانت من ضمن تعليقاتهم: هو أنا لوحدي اللي متعاطفة مع غادة عبد الرازق وحاسة ان عندها حق، انا لو واحدة جت تاخد مني سليم بالطريقة دي مش عارفة هعمل اي.

وتابعت: غادة عبد الرازق رهيييييبة يا جماعة خايفه تفهومني غلط بس انا بحب بنفس الطريقه.. والله تعبتوا نفسكوا مكانش في داعي لـ أي سيكوباتية في المسلسل هو مجرد فكرة إن غادة عبد الرازق تبقى حماتك دي في حد ذاتها مرعبة أصلاً.

وأضافت: غادة عبد الرازق عاملة مسلسل مأخوذ عن قصة حقيقية عن أم سايكو قررت تخطف خطيبة ابنها وتعذبها عشان هتتجوزه ويسافروا ويسيبوها، مش دي المشكلة بقى المشكلة عزيزتي الأم إنه في كم هائل مش ببالغ والله متعاطفين جدًا مع غادة السايكو وشايفين إنه آه أعمل كدة لو واحدة قررت تخطف ابني وتتجوزه فعزيزاتي أمهات البنات احذروا يا جماعة عشان الجيل القادم من الحموات مرعب بجد والله.. كم تعلّق مرضي ما أنزل الله بها من سلطان وياريت يا جماعة الأمهات المتعاطفة مع السايكو اعملولنا اكسيل شيت حلوة كدة بأسامي عيالكم ثلاثية عشان لما نيجي نجوّز بناتنا نبقى نتأكَد إنه العريس مش ابن واحدة فيكم مش ناقصة مصايب أصلها.

تعليق الجمهور على أداء غادة عبد الرازق في حدث بالفعل 

وكتب آخر: في حب موهبة غادة عبد الرزاق ممثلة ممثلة مابتهزرش في وسط اختيارات غير موفقة في السنوات الأخيرة تحاول غادة الرجوع بقوةومهم جدًا إن موهبة بالحجم دا بالشطارة دي  بالتمكن والصنعة دي تكون موجودة  نشوفها ونستمتع بيها غادة عبد الرازق كانت واحدة من أهم العناصر اللي ساهمت في تغيير شكل الدراما المصرية، في مرحلة معينة ونجاحها كان بوابة عبور لفنانين كتير جدًا.. فنانة مهمة مهمة اوي وتستحق المشاهدة.

حكاية تحت الحزام 

حكاية تحت الحزام أولى الحكايات التي سيتم عرضها من مسلسل حدث بالفعل وهي من بطولة الفنانة غادة عبد الرازق، وأيضا يشارك في بطولتها الفنانة سلمى أبو ضيف، خالد أنور، وآخرين، ومن إخراج هشام الرشيدي، وتأليف فادي النجار.