رباب ممتاز: محمد السبكي قال عليا في تصوير قبل كدا دي تقلع هدومها

كشفت الفنانة رباب ممتاز عن تفاصيل موقف محرج جمعها بالمنتج محمد السبكي في تصوير أحد الأعمال الفنية، وذلك خلال لقاء لها ببرنامج قعدة ستات مع المذيعة مروة صبري.

تحيا مصر يرصد تفاصيل موقف محرج جمع رباب ممتاز ومحمد السبكي

موقف محرج جمع رباب ممتاز ومحمد السبكي

وقالت رباب ممتاز: وأنا بغير في اللوكيشن دخل المنتج محمد السبكي، قال ألفاظ مش كويسة، وأنا خلاص بلبس وبيعملولي شعري، قال إيه ده دي لابسة هدوم، دي تقلع هدومها، دي تفتح كل هدومها، أنا عايز مفتوح مفتوح مفتوح، هي لابسة كده ليه دي تقلع هدومها.

وتابعت: قولت لأستاذ باسم في اللوكيشن أنا مبحبش الألفاظ دي، مش عايزة أسمعها في وداني، فلو سمحت أنا همشي، مع العلم إن شخصية سماح في العمل مش دورها تقلع هدومها أصلًا، لو كانت تقلع تمام.

تصريحات رباب ممتاز عن عمليات التجميل

وسبق وأن خرجت الفنانة رباب ممتاز لتتحدث عن اعتماد المخرجين في الأونة الأخيرة على شكل الممثل أكثر من الموهبة، مشيرة إلى أن هؤلاء النجوم يستمرون لفترة قصيرة جدا ويحل مكانهم النجم ذو الموهبة.

وقالت رباب ممتاز في تصرح خاص لـ موقع تحيا مصر: النجوم اللي بيعتمدوا على جمالهم مش هيعملوا حاجة خطواتهم بتتوقف عند حد معين، مبيكملوش ولا بيستمروا لأن مفيش موهبة، مهما حصل ومهما مرت السنين الموهوب هيفضل موهوب وهو اللي هيتطلب وهيشتغل لكن الحاجات التانية مش هتستمر لان مفيش حضور ولا شخصية.

رباب ممتاز: البوتكس الفيلر بيظلموا الفنان

واستكملت:  أنا ساعات من كتر عمليات التجميل مبعرفمش الممثلين من بعض كلهم واحد شكلا وتعبير وكل حاجة 

واختتمت حديثها: البوتكس الفيلر بيظلموا الفنان خاصة لما نيجي نعمل مسلسل صعيدي كانوا متضيقين جدا اني مش عاملة شفايفي وحواجبي اي ممثلة بتضايق اما تلاقي نفسها صعيدية لبناني.

تصريحات بيومي فؤاد عن محمد السبكي 

وعلى صعيد أخر، حل الفنان بيومي فؤاد ضيفًا على برنامج أنا والقناع والذي يعرض عبر قناة الحياة، وكشف بيومي العديد من الأسرار في حياته الشخصي، كما هاجم المخرج المنتج محمد السبكي.

وقال بيومي فؤاد: السبكي خدعني، واديتله فيلم بتاعي وكان في ناس جامدين جدا عاوزين ينتجولي وأنا فضلت مع محمد السبكي ورحت وديتهوله وبعد كده جاب المؤلفين ومضاهم واداهم فلوس قليلة وانا دفعتلهم فلوس من جيبي.. وبعد دا كله جاب محمود حميدة يمثل مكاني.