أجدع وأحن أب في الدنيا.. يوسف مصيلحي يودع والده بكلمات مؤثرة

نشر يوسف نجل الفنان الراحل أشرف مصيلحي عبر حسابه الشخصي على موقع تبادل الصور والفيديوهات "الإنسجرام"، صور تجمعه مع والده وبكلمات مؤثرة قال: "االله يرحمك يا أطيب وأجدع وأحن أب في الدنيا، وكان نفسي تكون موجود وشايف حب الناس وروحك الحلوة الموجودة في كل حد فينا وتشوف الناس كلها بتقول عليك إيه من أصغر واحد لحد أكبر واحد".

تحيا مصر يرصد نعي نجل أشرف مصيلحي لوالده. 

وتابع مصيلحي قائلًا: "وأنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه، وده عشان إحنا كنا صحاب وكنت بتفهمني وعارف دماغي، وأنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين، وحاسس أكيد بكل المحبة اللي كانوا موجودين اليومين دول وهيفضلوا موجودين على طول".

واختتم حديثه قائلًا: "دلوقتي أنا هعرف أتكلم معاك وعارف أنك هتسمعني يمكن أكتر من آخر فترة كنت موجود وسطنا عشان كنت تعبان، فـ مش بعرف أتكلم معاك بس أنا عايزك تعرف أني بحبك أوي، وهفضل شايل اسمك وأنا فخور أنك أبويا لحد لما أجيلك إن شاء الله، بجد بحبك أوي يا بابا وعارف أنك أكيد في الجنة إن شاء الله".

وفاة الفنان أشرف مصيلحي

رحل عن عالمنا الفنان أشرف مصيلحي يوم الأحد الماضي بعد صراعه مع مرض السرطان عن عمر يناهز الـ 49 عامًا، حيث تدهورت حالته الصحية وانتقل على إثرها إلى المستشفي
.
منال الصيفي تكشف الحالة الصحية لأشرف مصيلحي

وقد كشفت زوجته المخرجة منال الصيفي من خلال مداخلة هاتفية لبرنامج "مساء دي أم سي" للإعلامية إيمان الحصري، المذاع على قناة دى إم سي عن الحالة الصحية له في شهر يوليو الماضي وقالت: "فريق طبي متخصص يرافق أشرف فى المنزل على مدار 24 ساعة الدكاترة بعد العملية أكدوا أن الحالة في تحسن، والورم المصاب به زوجى من أخطر أنواع السرطانات في العالم، مفيش غير إننا بنحافظ على حياته وربنا كبير قوى، والحمد لله على كل حاجة وكل اللي ربنا يجيبه كويس.
".
آخر أعمال أشرف مصيلحي

والجدير بالذكر أن آخر أعمال الفنان الراحل أشرف مصيلحي مسلسل "الطاووس" وكان من بطولة "جمال سليمان، سهر الصايغ، سميحة أيوب، أحمد فؤاد سليم، رانيا محمد ياسين وغيرهم، وهو من تأليف كريم الدليل ومن إخراج رؤوف عبدالعزيز.
وأيضا شارك في نفس العام بفيلم "براءة ريا وسكينة" وشاركه البطولة "حمود الجندي، سامية الطرابلسي، ياسر علي ماهر، أحمد منير، حسن عبدالفتاح، شريف باهر" وتأليف أحمد عاشور، إنتاج حلمي شهاب، ومن إخراج عبدالقادر الأطرش.