فريدة سيف النصر تستغيث: بتعرض للسرقة علني وبيتفتح عليا بالمفتاح وأنا في سابع نومة

كشفت الفنانة فريدة سيف النصر عن تعرضها للسرقة من قبل مدبرة منزلها والتي تساعدها في أعمال منزلها بشكل علني، مستعينة بالجمهور ليكشفوا لها كيف تتصر في هذا الموقف.

تحيا مصر يرصد في ذلك التقرير استغاثة فريدة سيف النصر بسبب تعرضها للسرقة

فريدة سيف النصر: بتعرض للسرقة بشكل علني

وقالت فريدة سيف النصر عبر حسابها الرسمي بموقع التواصل الاجتماعي فيسبوك: لما يكون عندك حد نافعك أوي؛ لأن مش أي حد يحب الكلاب، وأنت كل شوية حاجات بتتاخد بجد مش هزار وحاجات باينه أوي، يعني هدوم مش أي حاجة لازم ينقصوا يتاخدوا على نصين مرتين واختفاء قصري، ترجع ترمي لك نص فتتخيل أنك أنت اللي مادورتش وفجأة اختفاء كامل.

تصريحات فريدة سيف النصر

وتابعت: ده بقى غير مفروشات قسمًا بالله أطقم كاملة بمخداتها ونظارات، اكسسوار، جزم، أدوات مطبخ كاملة، والله العظيم ما بقى في حاجة كاملة خالص أول بأول، ومفيش حد تاني بيعمل الحاجات دي خالص عشان تشك في اتنين، أول ما تغير مكان حاجة بحجة النظام أعرف إنها هتاخدها أو تلخبط الأدراج وكله يتكعبل في كله، أما أنا فأنشغل في حاجات وحاجتي فعلَا تختفي، أعمل إيه؟ أواجها وأنا مبحبش أحرج حد واجرحها؟ ولا أمشيها واحتاس ودوول عائة كاملة نافعاني؟، ولا أروح عندهم على غفلة زي ماقالوا لي.. وطبعًا مش ممكن أبدًا أعمل كده.

واختتم حديثها: بجد زهقت ومحتارة سرقة علني، وطبعًا بيتفتح عليا بالمفتاح وأنا في سابع نومه.. ومع الأسف بدي الأمان لكل الناس.. تعبت.. والله تعبت.. حسبي الله ونعم الوكيل.. قولولي أعمل إيه؟.

أخر أعمال فريدة سيف النصر

يذكر، أن الفنانة فريدة سيف النصر شاركت في مسلسل جعفر العمدة، الذي نافس به الفنان محمد رمضان على الموسم الدرامي الرمضاني المنقضي بـ  دور راقصة، وخاضت بطولته إلى جانب كل من النجوم: أحمد داش، منذر رياحنة، أحمد فهيم، منة فضالي، محمد رمضان، ايمان العاصي ، زينة، هالة صدقى، مى كساب، عصام السقا،مجدى بدر، دعاء حكم، أحمد داش، بيومى فؤاد، فريدة سيف النصر، جورى بكر، لما كتكت، طارق النهرى، أحمد عبد الله.