دوري في صاحب السعادة كان في منتهى الخطورة ومصدر رزقي الوحيد هو التمثيل.. أبرز تصريحات خالد زكي

أقيمت اليوم ندوة تكريم الفنان خالد زكي ضمن فعاليات مهرجان الإسكندرية السينمائي لدول البحر المتوسط في دورته الـ 39 بـ اسم الفنانة إلهام شاهين تحت شعار السينما بترقص وتغني، والتي كشفها فيها عن كواليس أهم أعماله، وعن الفيلم الذي ندم على رفضه، وتفاصيل عن حياته الشخصي.

تحيا مصر يرصد لكم أبرز تصريحات الفنان خالد زكي في ندوة تكريمه المقامة حاليًا ضمن فعاليات مهرجان الإسكندرية السينمائي لدول البحر المتوسط في دورته الـ 39

أبرز تصريحات خالد زكي

• مش لاقي كلام يعبر عن سعادتي الكبيرة اليوم بتكريمي بالمهرجان
• بشكر المهرجان لأنه أعطاني الفرصة أني أقابل القامات دي ويكون بيننا حوار على أرضية واحدة 
• النقد والجمهور هما المرآة الحقيقية للإنسان
• بحترم كل ملاحظة بتتكتب وده المفروض يكون دافع لتطوير نفسنا طول العمر
• الشخصية اللي قدمتها في صاحب السعادة  كانت في منتهى الخطورة لأنها كانت جادة بشكل كوميدي
• أنا ممثل مش كوميديان ولو فكرت أقدم الكوميديا هكون بستظرف
• ورق صاحب السعادة  كان مكتوب بحرفية والكوميديا ظهرت من خلال الجدية
• لاقيت دعم كبير من الزعيم والمخرج وكمان لاقيت حب كبير في العمل وده ظهر على الشاشة ووصل لقلوب المشاهدين
• كنت أتمنى تكون زوجتى الغالية وحبيبة عمري موجودة معايا وبنتي
• زوجتي هى صديقة العمر كله لمدة 47 سنة غير 7 سنين فى قصة حب مهولة شاركتني كل لحظات حياتي
• بدأت مشواري الفني 73 سنة وفضلت 10 سنين بقدم أدوار الحبيب والرومانسي
• غلطة عمري اللي عملتها وندمت عليها لما رفضت بابا عبده وقلقت لأنه كان دور شر
• الدور فاروق الفيشاوي في بابا عبده صنع منه نجم كبير واكتشفت غلطتي بعد سنتين
• لما عرضت عليا الأستاذة إنعام محمد علي سهرة تلفزيونية مسكت فيه بإيدي وسناني
• طباخ الرئيس كانت مسئولية كبيرة جدًا ليا ولصناعه كان متميز إنتاجيًا وإخراجيًا، وكمان الأستاذ طلعت زكريا مكتوب بعناية شديدة
• لما جالي المشاركة في طباخ الرئيس كان دور غير دور الرئيس واعتذرت عنه وكان نفسي في دور الرئيس
• عرفت أن عادل إمام مترشح لدور الرئيس وحصل تعديل في السيناريو واعتذر وأتبعت الدور لمحمود عبدالعزيز واعتذر
• بعد ما حصل تعديلات على الشخصية وكلمني طلعت زكريا وقال لي الدور موجود ليك هنبعتلك السيناريو
• سألت طلعت زكريا سعيد حامد موافق ولا لأ لأني اعتذرت عن فيلم على جنب ياسطي كـ ضيف شرف ولكن محبتهوش واعتذرت

تصريحات خالد زكي في مهرجان الاسكندرية

• بس سعيد حامد كلمني وقال لي مش معنى أنك اعتذرت لي عن عمل هاخد موقف وعملنا الفيلم بعد كده
• ومن كتر ما بعتذر في بدايتي قعدت 15 سنة في بيتنا
• رد الفعل على طباخ الرئيس كويس وطلعت زكريا قبل مرضه كان نفسه يقابل وقابله فعلًا وعرفت أنه مبسوط جدًا من الفيلم
• اختياري في الشغل بيكون عشان الورق ومن البداية مش بسعى للانتشار
• مش لازم عشان أتواجد باستمرار أقبل بأي حاجة لازم احترم الجمهور.

أخر أعمال خالد زكي

يذكر، أن أخر أعمال الفنان خالد زكي مشاركته في السباق الرمضاني 2022 من خلال مسلسل الإختيار 3 الذي شهد أحداث هامة ومفارقة قوية حدثت في مصر بعدما استطاع الشعب هدم جماعة الإخوان وكشف فسادهم، وتولية الرئيس السيسي الحكم، وشارك في بطولته إلى جانب كلا من النجوم أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى