عاجل
السبت 22 يونيو 2024 الموافق 16 ذو الحجة 1445
رئيس التحرير
عمرو الديب

صلاح عبد الله: رفضت دخول بنتي التمثيل بسبب صعوبات المهنة.. وعادل إمام بهدلني بسبب مسلسل الدالي

صلاح عبد الله
صلاح عبد الله

كشف الفنان صلاح عبد الله عن السبب وراء رفضه دخول ابنته مجال التمثيل، وذلك خلال لقاء له ببرنامج صاحبة السعادة مع الإعلامية إسعاد يونس.

تحيا مصر يرصد تفاصيل تصريحات صلاح عبد الله في صاحبة السعادة

صلاح عبد الله وابنته

وقال صلاح عبد الله: فيه ناس بيزعلوا مني عشان بيفهموني غلط، أنا بحب الوسط وبحب زميلاتي جدًا، وكان سبب أني حاولت أقاوم حبها للتمثيل عشان صعوبة المهنة بتاعتنا.

وتابع: أنا شايف زميلاتي بيتعبوا اد ايه، واحنا شغلنا ساعات يبقى 14 ساعة و20 ساعة، واوردرات ليل، وأنا كأب اشفقت عليها من هذا التعب، إنما مش اعتراضا على الشغلانة خالص.

وعن موقف الزعيم عادل إمام معه في مسلسل سعد الدالي قال صلاح عبد الله: لما كنت بعمل مسلسل الدالي أستاذ عادل إمام طلبني قالي مين اللي قتل ابن سعد الدالي، قولتله معرفش، فطبعا بهدلني في التلفون، قالي يعني أنا عادل إمام والوزرا بيسألوني، اقولهم معرفتش ؟.

صلاح عبد الله والسوشيال ميديا

وفي الحلقة ذاتها، تحدث الفنان صلاح عبد الله عن علاقته بمواقع التواصل الاجتماعي، وكيفية استخدامه لها، وقال صلاح عبد الله: بعد الثورة عمرو يوسف عملي فيسبوك، كنا في إسكندرية بنصور حاجة كدا وعملولي فيسبوك هو وأمير شوقي، وقعدوا يدربوني عليه بس مدخلتش أوي.

وتابع: وبعد الأزمة الصحية اللي حصلتلي في 2010 حسيت أني عايز أشارك واتكلم عن بلدي، دي كانت البداية، ثم جه تويتر، مكنتش فاهم فيه حاجة، ونبيل الحلفاوي جه يسخني عليه، وإنستجرام بناتي هما اللي شجعوني عليه.

واستكمل: والتواصل دا ساعات بتبقى فيه حاجات بتضايق إنما كمان فيه حاجات تفرح وعرفت فيه ناس مبدعة في كل المجالات.. السوشيال ميديا ممكن تحبط ناس، وأي حد بيناقشني بأدب واحترام فوق دماغي، ومادام تطاول أعرف أن دا عايز يكرهني في السوشيال ميديا، وهي عايزة وعي.

تابع موقع تحيا مصر علي