خاص| أحمد فهمي: كان فيه بيني وبين إلهام شاهين كيميا حلوة وندى موسى ممثلة شاطرة

أعرب الفنان أحمد فهمي عن سعادته بـ التعاون مع الفنانة إلهام شاهين والفنان الشابة ندى موسى، وذلك من خلال مسلسل ألفريدو، والذي انتهى عرضه في الأيام القليلة الماضية.

تحيا مصر يرصد في ذلك التقرير تصريحات أحمد فهمي عن التعاون مع ندى موسى وإلهام شاهين

أحمد فهمي: مبسوط اني اشتغلت مع إلهام شاهين وندى موسى ممثلة شاطرة

وقال أحمد فهمي خلال حوراه لـ تحيا مصر: مبسوط جدا إني اشتغلت مع إلهام شاهين، أستاذة كبيرة واتبسطت أوي لأن الكيميا اللي بينا ظهرت من وقت ما كنا بنعمل بروفات، وندى موسى ممثلة شاطرة جدا، وكبيرة وعجبني فيها إنها بتحب تشتغل على تفاصيل الشخصية وقعدنا اشتغلنا على كل تفصيلة.

وعن الانتقادات التي طالت البوستر، قال أحمد فهمي: هما قالوا فيه علاقة حب وهي فعلا علاقة حب ولكن من نوع مختلف ومتضايقتش خالص من تعليقات الناس كنت شايف إنه ده طبيعي الناس عندها تساؤلات وبالنسبة لأي عمل فني التساؤلات دي مهمة أوي قبل عرض العمل نفسه الناس ممكن تحكم على بوستر ولكن ده كان اتفاق.

تفاصيل مسلسل ألفريدو

يذكر، أنه شارك في مسلسل ألفريدو عدد كبير من النجوم والنجمات، منهم: أحمد فهمي، إلهام شاهين، ندى موسى، أمير شاهين، وغيرهم، والعمل من تأليف عمرو محمود ياسين، ومن إخراج عصام نصار.

وتدور أحداث المسلسل حول فريد الذي يثير الدهشة بسبب عمله طبيب وشيف في نفس الوقت، وعلى الجانب الآخر تظهر سوسو التي تمتلئ حياتها بالأسرار وتستمر الأحداث في الكشف عن المزيد في حياتهما وعلاقتهما بمن حولهم.

عمرو محمود ياسين وألفريدو

ويذكر، أنه كتبت سارة مصباح مشيدة بـ عمرو محمود ياسين: البوست ده بوست شكر و امتنان لاستاذي الغالي عمرو محمود ياسين اللي اتحول من كاتبي المفضل لاستاذي و صديقي واتحولت انا من مجرد بيج فان لجزء من فريق الكتابة معاه و من تلميذة في الورشة لانهاردة بيتعرض ليا معاه مسلسلين.  

كنت مقتنعة ان زي ما المواهب الجديدة بتدور علي فرص اكيد القائمين علي الفن و الفنانين الكبار بيدوروا علي مواهب كويسة برضه، بس طلع ان ده مش العادي ده شئ استثنائي مش بيطلع غير من فنانين استثنائيين زي عمرو محمود ياسين اللي قدمني من الورشة و قدم ٣ كتاب غيري كلهم متميزين لسوق الكتابة بكل ثقة و حب و عنده استعداد يعمل ده مع ناس اكتر لانه فنان حقيقي بيقدر الموهبة و الكلمه الحلوة والفن الراقي.