راح مني أغلى حاجة في دنيتي.. إيمي طلعت زكريا تحيي ذكرى رحيل والدها

حرصت الفنانة الشابة إيمي طلعت زكريا، على إحياء ذكرى وفاة والدها الفنان طلعت زكريا، التي تحل اليوم الأحد الموافق 8 أكتوبر، طالبة الدعاء له بالرحمة والمغفرة.

تحيا مصر يرصد إحياء إيمي طلعت زكريا لذكرى وفاة والدها الراحل.

إحياء إيمي طلعت زكريا لذكرى وفاة والدها الراحل

ونشرت إيمي عدد من الصور عبر حسابها على موقع تبادل الصور  والفيديوهات القصيرة إنستجرام، وعلقت قائلةً: زي النهارده من 4 سنين راح مني أغلى حاجة في دنيتي.. بابا.. ربنا يرحمك يا حبيبي ويغفرلك.. وحشتني أوي.. الفاتحة.

تصريحات إيمي طلعت زكريا

هذا وقالت إيمي طلعت زكريا خلال برنامج فيس أوف: بابا كان راجل شرقي جدا في مواعيد معينة في البيت مفيش بيات برا مفيش اطلع رحلة مع صحابي بس في نفس الوقت صاحبي جدا وكنت بحكيله عن علاقاتي او حد جاي يتقدملي وكان قريب مني جدا انا واخويا.

وتابعت: بابا كان بيعتز جدا بشنبه وكان بيعتذر عن الأعمال بسببه، كان جايله دور في مسلسل أم كلثوم واعتذر عنه بسبب ان الشخصية كانت من غير شنب".

وأضافت: "ولما راح اتعالج في فرنسا بسبب الفيروس كان في غيبوبة ولما فاق لقاهم حلقوا شنبه نفسيته تعبت أكتر من ما تعب في المرض وقعد فترة متأثر جدا لحد ماشنبه طلع تاني".

إيمي طلعت زكريا تتحدث عن والدها

واستكملت: "للأسف طلعت زكريا اتكرم مرة واحدة بس بعد وفاته وكان في مسقط رأسه في اسكندرية في مهرجان بلا انتاج بحضور أشرف ذكي ومجموعة من الفنانين، تكريم الفنانين بيحسبوها بحسابات تانية انا معرفهاش بصراحة ومقدرش اتكلم فيها وانا بشوف ان تكريم طلعت زكريا من حب الناس ليه ومن بوست انا بكتبه الناس تكتب الله يرحمه ولما يشوفونا في الشارع انا واخويا يقولولنا كان راجل طيب وهو دا التكريم الحقيقي اللي انا بستناه".

واختتمت إيمي طلعت زكريا حديثها قائلة: محمد السبكي وأحمد السبكي كان من الناس اللي حطوا طلعت زكريا على اول الطريق بسبب فيلم حاحا وتفاحة، ولكن في فيلم الفيل في المنديل كان بعد الثورة وبابا كان له تصريحات معجبتش بعض الناس فكان في تهديدات للسينمات وابتدا يبقى في تهديدات للسبكي ان لو الفيلم دا نزل احنا هنولع في السينمات فطبيعي المنتج خاف على نفسه وباعه برا، والسبكي تميمة حظ لأي حد يشتغل معاهم".