خاص| عمرو القاضي: بقدم دور نصاب في الخميس اللي جاي وعندي فيلمين الفترة دي

يشارك الفنان عمرو القاضي في بطولة فيلم الخميس اللي جاي مع الفنان عمرو عبدالجليل، والتي تدور أحداث حول قصر يلعن سكانه، ويكشف عمرو القاضي تفاصيل شخصيته وكواليس الخميس الي جاي وعن الأعمال التي يحضر لها الفترة القادمة من خلال تصريحات خاصة لـ تحيا مصر.

تحيا مصر يرصد لكم أبرز تصريحات عمرو القاضي عن دوره وكواليس فيلم الخميس اللي جاي لـ عمرو عبدالجليل وعن أعماله خلال الفترة القادمة التي يحضر لها

عمرو القاضي: بعمل دور نصاب بيبع الوهم وهو الوحيد اللي عارف سر الحكاية

كشف الفنان عمرو القاضي عن شخصيته في فيلم الخميس اللي جاي، وقال في تصريحات خاصة: "بعمل دور نصاب بيبع الوهم وهو الوحيد اللي عارف سر الحكاية بيبع لأطراف مختلفة بتنوعتهم وأشكالهم وبطبقاتهم الاجتماعية وثقافتهم المختلفة وبيسيبهم يشتبكوا مع بعض وبعدين بيرجع لهم تاني عشان يعمل عليهم عملية نصب جديدة".

وتابع عمرو القاضي قائلًا: "الدور محطوط في قالب لطيف جدًا متنوع وفي الآخر الواجد بيكون متحسس ويارب يعجب الجمهور ونبسطهم ونقدر نضحك الناس لأن عشان تضحكي الجمهور المصري ده صعب أوي".

عمرو القاضي: سعيد بالتجربة والفيلم في جرافكيس بنسبة 90%

وعبر عن سعادته لانضمامه في فيلم الخميس اللي جاي، قال عمرو القاضي: "أنا سعيد بالتجربة دي لأن فيه كتير أوي من أصدقائي وفيه حاجة جديدة بنقدمها وطبيعة السيناريو اللي كنا شغالين عليه جريء وحلو وفعلًا بنقدم فيها حاجة مختلفة وطبية الفانتازي في الكوميديا وكمان الرعب".

واستكمل عمرو القاضي حديثه قائلًا: "استحضار زمنين فيما بين الماضي بالحاضر وأنا شايف أن ده ولِد موقف مختلف خلانا نقدم عمل فيه مغامرة وجرأة وممكن نسبة الجرافيكس فيه تكون 90%، ولما تقرأ السيناريو بجد الله يكون في عون اللي هيعمل لأنه مليان تفاصيل فنية كتيرة محتاجة الدقة والوقت وشغل".

وعن كواليس فيلم الخميس اللي حاي قال عمرو القاضي: "كنت مبسوط بالكرو ده أني شغال معه من المخرج والممثلين خلف وأمام الكاميرا وكلنا أسرة واحدة ومتعاونين وكنت مبسوط بروح التنافسية الجميلة اللي كانت بينا عشان نطلع أفضل حاجة وتعمل كوميديا جيدة، لأن نجاح العمل من نجاحنا وفي أخر أحيانًا الصعب اللي بنشوفه في الشغلانة هو المجهود والوقت لكن في الاخر كل ده بيروح مع النتيجة بتاعة العمل وبالنجاح اللي بنشوفه".

فيلم الخميس اللي جاي

وكشف عمرو القاضي عن أعماله في الفترة القادمة وعن الأدوار التي يتمنى أن يقدمها، وقال: "عندي عملين الفترة اللي جاية سينمائيين وأتمنى التوفيق من الله وبفضل مدرسة الواقعية، وعايز أقدم دور حرامي وضابط يدافع عن وطنه شرير في وقاسي على اللي حواليه وبيصنع الشر ".

تدور أحداث فيلم الخميس اللي جاي في إطار الرعب الممزوج بالكوميديا ويشارك في بطولته كل من من عمرو عبدالجليل، مي كساب، إسلام إبراهيم، حسام داغر، محمود الليثي، عمرو القاضي، من تأليف ورشة كتابة تضم هيباتيا ونور حمدي ونور مهرجان وعمرو شاهين ومحمد على، ومن إخراج حسن صالح.