كريم عبد العزيز يكشف إصابته بـ 9 جلطات في الرئة: الدكتورة قالتلي انت هتموت

خرج الفنان كريم عبد العزيز ليكشف عن أصعب أيام حياته، وذلك بعدما اكتشف إصابته بـ 9 جلطات في الرئة وأخبره الأطباء في انجلترا بأنه سوف يموت ولا محال في ذلك، ومن توقفت حياته بشكل مفاجئ.

تحيا مصر يرصد في ذلك التقرير تصريحات كريم عبد العزيز عن إصابته بـ 9 جلطات في الرئة

كريم عبد العزيز: عملت أشعة في المستشفى على إني عند برد والدكتور قالتلي انت هتموت

وقال كريم عبد العزيز خلال لقائه ببرنامج "sold out" المذاع على منصة watch it مع الإعلامي محمود سعد : "أنا عامل لوالدتي تأمين صحي وكنت مسافر في إنجلترا وكانت والدتي تعبانه وهتعمل عملية، فجأة لقيت آلام غير طبيعية في صدري افتكرته برد ودهنت "فيكس وأبو فاس" وبعدها عملت أشعة ومشيت.

وتابع حديثه: فوجئت تاني يوم برسايل بيطلبوا أني أروح للمستشفى فورا وأنا مش حاسس بحاجة، وصلت لقيت ناس واقفة مستنياني وبيسألوا إزاي واقف على رجلي، وقتها كان عندي 36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك " إنت هتموت".

كريم عبد العزيز: كان عندي 9 جلطات في الرئة 

واستكمل  حديثه، قائلا: "لأول وهلة قعدت أقول هو في die جديدة في الإنجليزي كان عندي 9 جلطات في الرئة، كنت عايز أهرب من المستشفى وطلبت منها إني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي".

واستكمل حديثه: "قررت أشوف دكتور تاني وفعلا قابلتله وقلت له إني لو قعدت في مستشفى هموت، فضل يسألني إن كنت روحت لدكتور تاني أو مستشفى وأنا أجاوت لأ، مع إن في إنجلترا الشبكة الطبية مربوطة ببعض يعني هو شايف إني دخلت مستشفى لكن كنت بجاوب لأ، لحد ما سألني بشتغل إيه قولت له ممثل ومش عايز أقعد في مستشفى، اتفق معايا إني مقعدش في مستشفى وأخدت الأدوية والحقن في البيت".

أخر أعمال كريم عبد العزيز

جدير بالذكر، أنه تألق كريم عبدالعزيز في فيلم بيت الروبي بطولة كريم عبد العزيز في إطار كوميدي اجتماعي، حول زوجين يعانيان من بعض المشاكل بسبب معاناة الزوجة من مشكلة في الإنجاب، مما يضطرها إلى اختطاف أحد الأطفال للتغلب على تلك المشكلة، ويجسد كريم عبد العزيز ونور دور الزوجين، بينما يجسد كريم محمود عبد العزيز دور شقيقه الأصغر.