نشرة أخبار الفن: ندى عفيفي تكشف تطورات أزمتها مع لوسي.. تامر حسني: شهداء فلسطين جريوا على الجنة وهذا موعد انطلاق تصوير فيلم جوازة توكسيك

شهدت الساحة الفنية أمس الإثنين الموافق 16 أكتوبر، العديد من الأحداث الهامة واللافتة للإنتباه، التي سيرصدها لكم موقع تحيا مصر خلال السطور التالية.

تامر حسني عن شهداء فلسطين: جريوا على الجنة

وجه نجم الجيل، الفنان تامر حسني رسالة إلى جمهوره حول قضية فلسطين، مشيرًا إلى أن الله عز وجل سينصر شعبها ناصحًا إياهم بألا يضعف إيمانهم.

وكتب حسني عبر حسابه الرسمي بموقع التواصل الاجتماعي فيسبوك: في الوقت ده ناس كتير ايمانها بربنا ممكن يتزعزع  او ينهار و يقولوا طب ربنا فين مش هرد بالآيات و الأحاديث عشان في ناس احق مني يتكلموا بلغة الدين بس انا هرد رد بسيط من واقع الدنيا.

وتابع:  انت لو دخلت فيلم و جالك تليفون فا استعجلت و مشيت في ربعه الاولاني هل تقدر تحكم على نهاية الفيلم  اكيد لأ  يعني متحكمش على حاجه لسه مش خلصانه.. طب الدنيا لسه شغاله مخلصتش يعني متعرفش بكرا ربنا شايل ايه متستعجلش و تحكم على الدنيا و انت لسه  مشوفتش مرحلة النصر اللي ربنا وعد بيها اصلاً في قرآنه  متحكمش دلوقتي حكمك هيكون غلط احنا لسه مكملناش الدنيا للآخر.

وأضاف: (( يمهل ولا يهمل )) و اللي راحوا دول جريوا على الجنه اللي هي الحياه الاساسيه حياة الخُلد  راحوا دار الحق و مشيوا من دار الباطل يا جماعه الدنيا دي ولا حاجه دي دار باطل فيها الشر و الكره و الحقد و الظلم .. لكن الناس دي راحت لحياه كلها حب و خير و سلام و فرح و لما في الآخره نشوف  كل حد كانت حياته صعبه و مليانه معاناه ازاي ربنا كافئه على صبره و تحمله من كل اللي شافه و كرمه بأجمل نعيم الجنه هنقول (( ياريتنا كنا احنا  )) الصبر يا جماعه و الثقه في وعد ربنا.

ملك قورة تكشف موعد انطلاق تصوير فيلم جوازة توكسيك بطولة ليلى علوي

كشفت الفنانة الشابة ملك قورة عن موعد انطلاق تصوير فيلم جوازة توكسيك للنجمة ليلى علوي، حيث من المقرر بدء تصويره نوفمبر المقبل.

وظهرت ملك قورة في أحداث  حكاية مسلسل «زي القمر» بمشاجرة عنيفة بين الفنانة ملك قورة بطلة المسلسل وصديقها الفنان محمد مهران الذي يخوض البطولة أمامها، في حوار لطيف يتناسب مع الواقع الذي نعيشه بالفعل لشابين جامعيين يلتقيان في أول يوم دراسي وتبدأ بينهم المشاحنات والغيرة، وهو ما دفع الجمهور للانجذاب للحكاية منذ العرض الأول لها، ولاقت رواجًا واسعًا.

ندى عفيفي عن أزمتها مع لوسي: هحصل على رد اعتباري الفني والأدبي قريب

خرجت الفنانة ندى عفيفي للحديث عن الأزمة التي وقعت بينها وبين الفنانة لوسي خلال عرض مسرحية الحفيد على المسرح القومي، مشيرة إلى أنها ستحصل على رد اعتبارها الفني والأدبي قريبًا.

تصريحات ندى عفيفي

وكتبت ندى عفيفي عبر حسابها الشخصي على موقع التواصل الاجتماعي فيس بوك: سنة وشهر و18 يوما من يوم الواقعة وأنا أنتظر عدل ربنا ودايما كنت واثقة وعندي يقين بالله، ناس سابتني وناس وقفت جمبي وناس هاجمتني وناس كسرت أملي وناس ساندتني ودعمتني بكل قوة، أحداث كتير وتفاصيل كتير، تعبت وأحبطت واتكسرت لكن دايما ملجأي هو حبيبي ربنا، قريبا بأمر من الله، دعواتكم في اللي جاي ورد الاعتبار الفني والأدبي.