انجي وجدان: متدخلوش الاطفال في الحرب بينكم حرام اللي بيحصل ده

خرجت الفنانة انجي وجدان لتعرب عن شدة حزنها مما أصاب دولة فلسطين وقتل أطفال ابرياء على يد الاحتلال الإسرائيلي، وذلك من خلال فيديو نشرته عبر حسابها الرسمي بموقع تبادل الصور والفيديوهات انستجرام.

تحيا مصر يرصد في ذلك التقرير تصريحات الفنانة انجي وجدان أن الأزمة الفلسطينية

إنجي وجدان: اللي بيحصل كتير ليه بيدخلوا الاطفال  

اللي بيحصل ده كتير، ومعظمنا مش بيحب يتكلم في السياسة ويتدخل في أي حوارات، بس كدة كتير الأطفال اللي عمالة تموت وضرب مستشفيات وضرب كل حاجة، هي حرب ما بين سياسات، يحاربوا هما بعض، بيدخلوا الأطفال والبني آدمين ليه، كلنا قاعدين مش عارفين نعمل إيه.. وأنا مش عارفة أعمل إيه وغيري كتير.. ومعرفش طالعة بعمل الفيديو ده ليه.

انجي وجدان: لو متعاقبتوش دلوقتي هتتعاقبوا بعدين 

واختتمت حديثها، قائلةً: اللي أقدر أقوله إن ده حرام والله اللي بيحصل ده، حرام وربنا كبير وشايف كل حاجة، ولو متعاقبتوش دلوقتي هتتعاقبوا بعدين وكل واحد بيدعم اللي بيحصل ده ربنا هيحاسبكم.

نجوم الفن يدعمون فلسطين بعد قصف مستشفى المعمداني

وحرص عدد كبير من نجوم الفن على الاعراب عن غضبهم عما حدث في الأزمة الفلسطينية، حيث قالت منة فضالي: يعني الفيس بوك وتويتر وإنستجرام أما الواحد يتكلم في الحق يعملوا حظر، ولما نفرفش ونحط صورنا ونهزر يبقى تمام، أنا مش فاهمة الناس دي مخلوقة من إيه، أطفال أبرياء ومدنيين ملهمش ذنب ومستشفى وأطباء، جنسكم إيه، حسبي الله ونعم الوكيل، كل دا علشان إيه أنتم قتلة ومجرمين، ربنا يلعنكم في الأرض وفي السماء، قصف المستشفى جريمة ضد الإنسانية، هجوم إرهابي.

في حين قال عمر كمال: أنا مبشاركش غير ببوستات أو برأي من وقت الأزمة على صفحتي وبفضل أكون بعيد لحد ما الأزمة تعدي عشان في ناس أهم مني 100 مرة ممكن تتكلم في اللي بيحصل ده وتقول رأيها، إسرائيل مينفعش معاها غير الحرب هتتبرع بدمك بكره هي هتوقع 100 شهيد ودمك ملوش أي لازمة، هتتبرع زي محمد صلاح هتوقع بيوت وهدمر غزة، هتكتب رأيك في بوست هتقاطع مطاعم كل ده مينفعش مع إسرائيل عشان هما بينفذوا وبس.

واختتم عمر كمال حديثه، قائلًا: لازم نتوحد كعرب ونجهز جيش قوي ويخشوا الحرب زي ما عمل محمد أنور السادات، الحل في الحرب من الآخر، والناس بتموت ومش هنقعد نعمل أغاني ونصوت.