مريم الخشت: أهالينا في غزة محتاجين أكتر بكتير مما نتخيل

حرصت الفنانة مريم الخشت على دعوة الجمهور والمتابعين للتبرع إلى أهالي غزة، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات مريم الخشت عبر إنستجرام

مريم الخشت: أهالينا في غزة محتاجين أكتر بكتير مما نتخيل

وكتبت مريم الخشت: اه لازم نتطوع و نتبرع و نتكلم لأن لازم نكون جاهزين.. لازم لما يكون فيه فرصة نوصل حاجة يبقى فيه حاجة نوصلها.. أهالينا في غزة محتاجين اكتر بكتير مما نتخيل.. وياريتنا نقدر نديهم كل حاجة.

وتابعت: لكن كل حد فينا بيعمل اللي هو شخصيا يقدر عليه حتى لو نقطة في بحر اللي محتاجينه.. مافيش حد مايقدرش يساعد.. اتطوع.. ايا كانت المؤسسة.. اتبرع.. ايا كانت الجهة.. اتكلم.. ايا كانت الحقيقة.. عشان العجز احساس بشع ومخزي.

تعرض مريم الخشت للتنمر

وسبق وأن كشفت الفنانة مريم الخشت عن تعرضها للتنمر في طفولتها، بسبب نحافة جسمها، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

وقالت مريم الخشت في مقطع فيديو لها عبر إنستجرام: أنا وأنا صغيرة كنت رفيعة أوي أوي وكان كتير أوي بيتريقوا أو بيغلسوا، ومش بس على الرفع، دا كان فيه تنمر عام في المدرسة بس كرامتي مكانتش بتسمحلي ابدا أن أنا أعيط في المدرسة.

وتابعت: كنت برد وبهزر وبقلب الهزار هزار، وبروح البيت أعيط، فمامتي نقلتني من المدرسة، وأنا شاحطة دلوقتي لسه عندي الحتة بتاعت مش عايزة اعمل استوري من غيرفلتر ودي حاجة وحشة، عشان هيطلع حد يعلق على حاجة ما.

تصريحات مريم الخشت في جوسيبس

وعلى صعيد آخر، أكدت الفنانة الشابة مريم الخشت على أن كل شيء متعلق بمهنة التمثيل صعب، وذلك خلال لقاءها ببرنامج جوسيبس على مواقع التواصل الاجتماعي.

حيث قالت الخشت: “كل حاجة ليها علاقة بالتمثيل صعبة ومش مريحة وممكن تتعود عليها، الحاجة الوحيدة اللي مريحة هي لحظة الوقوف قدام الكاميرا".

وتابعت: وتنفيذ الحاجة اللي أنت جاي تعملها.. أي حاجة تانية زي ساعات الانتظار الطويلة وقلة النوم وفكرة أنك دائما شخصية عامة.

وفي الحلقة ذاتها، كشفت الخشت عن تصنيف الممثلات في الوقت الحالي، فقالت: تصنيف الممثلات دلوقتي أهم حاجة شكلك وبعدين نشوف شاطرة، بتمثلي مبتمثليش بتغني بترقصي.