أحمد العوضي من الهلال الأحمر: مش كفاية الصور والبوستات عايزين تصرف فعلي مش كلام

تطوع الفنان أحمد العوضي في جمعية الهلال الأحمر وطلب من متابعيه التبرع لأهالي فلسطين ومساندتهم ودعمهم في وضعهم الراهن، نتيجة الاحتلال الإسرائيلي الذي يقصف قطاع غزة في إبادة جماعية مستخدمة أسلحة محرمة دوليًا في الحرب.

تحيا مصر يرصد لكم تطوع أحمد العوضي في جمعية الهلال الأحمر ورسالته للمتابعين للتبرع لأهالي فلسطين بسبب وضعهم الحالي نتيجة القصف الذي يتعرضون له من قبل الاحتلال الإسرائيلي

أحمد العوضي:  مش كفاية الصور والبوستات عايزين تصرف فعلي مش كلام

نشر أحمد العوضي مقطع فيديو عبر حسابه الرسمي بموقع تبادل الصور والفيديوهات الإنستجرام وقال فيه: "مساء الفل على كل أخواتي، طبعًا كلنا عارفين اللي بيحصل لأخواتنا في غزة أنا هنا في الهلال الأحمر المصري مع أخواتنا الأبطال المتطوعين في الهلال الأحمر، أنا عايز أطلب منكم حاجة إحنا خلاص نزلنا صور وبوستات والحاجات دي مش كفاية عايزك تتصرف تصرف فعلي مش مجرد كلام عشان ميبقاش أننا بس بنتفاعل بمجرد كلام، وإحنا من جوانا موجوعين على أخواتنا في غزة".

وتابع أحمد العوضي وقال: "أنا بطلب من كل أخ جدع وأخت جدعة حقيقي شاغلها القضية ومضايقة عشان أخواتها في غزة، أنزل أتبرع ولو بجنيه إحنا 105 مليون على 15322 مش لازم تنزل تتبرع هما هيجولك ولو حطيت جنيه واحد وأنا أخواتي كرماء ومش هيتأخروا في شيء، هما هيسهلوا لك كل حاجة لو أنت مش قادر تروح أو لو أنت ماشي في الشارع هياخدوا منك الفلوس وتاخد الوصل عشان تبقى عارف أنك بتتبرع فعلًا للهلال الأحمر".

أحمد العوضي: إحنا مصريين جدعان وفي ضهر أخواتنا دائمًا

واختتم أحمد العوضي الفيديو قائلًا: "كل الشباب أخواتي دول متطوعين أبطال بجد مش عايزين حاجة غير أنهم يساعدوا أخواتهم، عايز تتبرع بالدم أعمل حاجة فعلية وعبر عن صوتك وعن دعمك في الفيس بوك براحتك لكن أعمل حاجة فعلية، وأنزل اتبرع ولو بجنيه ومتقولش الجنيه ده مش هيفرق لأ هيفرق لأن إحنا كتير وإحنا مصريين جدعان وفي ضهر أخواتنا دائمًا، فـ يلا نعمل كده والهلال الأحمر ده حاجة كبيرة جدًا وهتعرفوا بيعمل إيه مش مجرد أكل وشرب لا مساعدات كتيرة جدًا، وأنا بشكر أخواتي دول بجد جدعان وكل أخواتي جدعان وأنا بقولك على الطريق اللي يخليك تساعد فعليًا أنزل أتبرع ولو بجنيه واحد بس مفيش حد مش معه جنيه".

آخر أجدد أحمد العوضي

والجدير بالذكر أن أجدد أعمال أحمد العوضي من حلال فيلم الأسكندراني والذي يعد أولى تجارب بطولاته السينمائية، ويشاركه البطولة كل من زينة، بيومي فؤاد، حسين فهمي، صلاح عبدالله، محمود حافظ، محمد رضوان، خالد سرحان، محمود الليثي، انتصار ، كما أنه يشارك في موسم مسلسلات رمضان 2024 بمسلسل حق عرب، وهو تأليف محمود حمدان، إخراج إسماعيل فاروق.