محمد أمين راضي: اللي عمله محمد سلام فعل غير مهني.. والفن مش رفاهية

انتقد السيناريست محمد أمين راضي اعتذار الفنان محمد سلام عن المشاركة في مسرحية زواج اصطناعي بموسم الرياض، بسبب الأحداث الجارية في قطاع غزة، وذلك من خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات محمد أمين راضي

محمد أمين راضي ينتقد محمد سلام

وكتب محمد أمين راضي: مش قادر.. مش قادر..كونسبت أني علشان بحب محمد سلام جدا.. فأقرر ما قولش رأيي بصراحة مضايقني من أول ما قولت لنفسي  كده امبارح.. لأن على الجانب الآخر ما صلاح الجهيني صاحبي.. بس حقيقي بعيد بقى عن المحبة والصداقة.. اللي عمله سلام فعل غير مهني بالمرة.. حتى ولو مشاعره صادقة.. كان عادي يعتذر من أسبوع.. مش قبلها بيوم..  وكان عادي خلاص برضه ده يحصل بصمت بدون أي فيديوهات تحرج زمايله اللي موجودين حاليا وبتحرج أكتر اللي هيجي بعده.  

محمد سلام يعتذر عن المشاركة في مسرحية موسم الرياض بسبب شعب فلسطين: هبقى زي اللي قتلتهم

حمزة العيلي: محمد سلام إنسان نقي صادق وموقفه حقيقي بمقام جهاد

تعليق محمد أمين راضي على فيديو محمد سلام

وتابع: خصوصا أن سار العرف أن الواحد بيعمل الفيديوهات اللي بيوضح فيها موقفه للناس اللي هو عامل حاجة غلط في حقهم أو اللي زعلانين منه.. اللي همه في الحالة دي.. الجمهور اللي قطع التذاكر بناء  على الاعلانات اللي هو موجود فيها لحد امبارح.. وطبعا الفيديو المعمول مش موجه خالص للجمهور اللي بتكلم عليه.. والأهم بقى من كل ده وفوق كل ده.. الفن مش رفاهية، الفن مش رفاهية أو شيء ممارسته تسيء وتقلل من هيبة الحزن.

محمد أمين راضي: أنتم مبتذلين

واضاف:  ومش هتكلم خالص عن خصوصية الفن ودوره خالص.. أنا مش هتكلم إلا على كونه مهنة..  ما فيش أي مهنة بيتطلب منها أو بيتطوع صحابها من نفسهم بالتوقف عشان الظروف الا احنا.. ما قبلتش أنا حد في بنك قرر يستقيل عشان خاله مات مثلا.. وحقيقي أنا مش فاهم ايه اللي حصل أنا واحد اتربى على جيل من الفانين كانوا بيتفاخروا.. بأن أقرب الأقربين ليهم.. أبوهم مات وهمه دفنوه وطلعوا على المسرح علشان عندهم ميعاد خشبة مسرح، وعندهم جمهور قاطع تذاكر، واحترامه شيء مقدس.

واستكمل: سيد مكاوي وآخرين كان بيسافر الجبهة بتاعت الحرب عندنا  احنا علشان يعملولهم حفلات مخصوص لرفع من روحهم المعنوية.. فاللي احنا  بنتكلم فيه لا هو بدعة ولا افورة مننا في حقيقة الأمر انتوا مبتذلين.