عمري ما قولت أرفض العمل مع تامر حسني.. أبرز تصريحات كاملة أبو ذكري في حبر سري

حلت المخرجة كاملة أبو ذكري ضيفة على برنامج حبر سري مع المذيعة أسما إبراهيم، مساء يوم الخميس، عبر شاشة تلفزيون قناة القاهرة والناس، وأثناء الحلقة تحدثت كاملة عن الكثير من الأمور التي تخص حياتها الشخصية والفنية، وفي ذلك التقرير سيرصد موقع تحيا مصر أبرز تصريحاتها في الحلقة.

تحيا مصر

أبرز تصريحات كاملة أبو ذكري في حبر سري

• نفسي اشتغل مع كريم عبد العزيز ونفسي اشتغل تاني مع هند صبري ومنى زكي
• أحب أشتغل مع محمد رمضان لأنه ممثل كبير واعتقد هيكون بينا كيميا
• موت مصطفى درويش كان السبب في التراجع عن تقديم فيلم بميت وش
• الحب كسرني، عشان اخترت غلط أوي بس مش ندمانة
• نيللي كريم خليتني أنا وأستاذة نانسي عبد الفتاح نعيط في مسلسل ذات
• أنا اتجوزت مرتين، مرة 3 سنين ومرة 8 سنين واللي كسرتني الأخيرة
• خالد النبوي كان يستحق اسمه يتكتب قبل منة شلبي في تتر مسلسل واحة الغروب
• حصل خلاف بيني وبين انتصار بسبب تأخيرها ومش هشتغل معاها تاني

هاجر سراج تعلن انتهاء تصوير مسلسل حالة خاصة| صور

كاملة أبو ذكري: خالد النبوي يستحق اسمه يتكتب قبل منة شلبي.. ومش هشتغل مع انتصار تاني

كاملة أبو ذكرى والقضية الفلسطينية 

من ناحية أخرى، تفاعلت المخرجة كاملة أبو ذكرى مع القضية الفلسطينية، فكتب عبر حسابها الرسمي بموقع التواصل الاجتماعي “فيسبوك”: طول عمري بحس إني شجاعة و بقدر أتحدي أي صعاب و مشاكل بعدي بيها في حياتي الشخصيه أو العمليه، قد كده دلوقتي حاسه إني شخص قليل الحيلة ونفسي الأرض تتشق وتبلعني.. لك الله يا فلسطين.

تصريحات كاملة أبو ذكري مع إنجي علي

وسبق وأن كشفت المخرجة كاملة أبو ذكري عن أسباب ابتعادها عن الإخراج في الفترة الأخيرة، وذلك خلال مداخلة هاتفية لها ببرنامج أسرار النجوم مع إنجي علي.

وقالت كاملة أبو ذكري: بقالي سنة ونصف مستمعة بوجودي جمب حفيدي، وبقى عنده سنة و5 أشهر، وبردو  بدور على فكرة تحمسني عشان أرجع ولكن مش لاقية، والشغل وحشني جدا.

وفي المداخلة ذاتها، تحدثت كاملة أبو ذكري عن نيللي كريم، فقالت: نيللي عندها قماشة إنها تعمل حاجات كتيرة ودمها خفيف في اللايت، وعندها قبول وجمال وممكن تقدم أعمال استعراضية، وهي اللي ساعدتنا وناجحة بموهبتها وأخلاقها وحبها في شغلها وطيبتها والتواضع وإحنا نجحنا مع بعض، ونتمنى نجتمع مرة تانية قريب ولكن في السينما.