مروان حامد: عالم إبراهيم الأبيض حقيقي.. وفي عمارة يعقوبيان صورنا في مبنى تاني

أكد المخرج مروان حامد على أن عالم فيلم إبراهيم الأبيض حقيقي وليس من وحي الخيال، وذلك خلال ندوة أقيمت له اليوم السبت على هامش مهرجان الجونة السينمائي في دورته السادسة.

تحيا مصر

تصريحات مروان حامد

وقال مروان حامد: إبراهيم الأبيض لما جه كسيناريو كان كاتبه عباس أبو الحسن بدقة شديدة، وكان كاتب فيه وصف جيد جداً لهذا العالم، بعدين اتكلمت معاه وسألته قولتله عباس هي الحاجات دي موجودة في الحقيقة فطلعلي ملف هو كان عامله، الملف دا مليان قصاقيص جرائد لحوادث متنوعة جدا .. ومعرفش أول ما بجيلي السيناريو أخد قرارات إخراجية مباشرة.

مروان حامد: قعدت 8 سنين عشان أعمل فيلم إبراهيم الأبيض.. والفضول سبب حبي للسينما

تكريم مروان حامد بجائزة الإنجاز الإبداعي في افتتاح مهرجان الجونة السينمائي

فيلم عمارة يعقوبيان

أما عن فيلم عمارة يعقوبيان قال مروان حامد: في عمارة يعقوبيان كنا المفروض عايزين نصور في العمارة الحقيقة اللي موجودة في شارع طلعت حرب، ومحصلش اتفاق بين الإنتاج والعمارة، وكنت ماشي ولقيت العمارة التانية اللي احنا صورناها في الفيلم وبعدين مهندس الديكور قالي العمارة دي شكلها عمارة يعقوبيان أكتر من الحقيقية.

معايير اختيار مروان حامد للأفلام

وفي الندوة ذاتها، كشف مروان حامد عن المعايير التي يختار بها أعماله السينمائية، فقال: مفيش حد متأكد بنسبة 100% من نتيجة العمل اللي هو بيعمله أو أنا على الأقل، دايما الشكوك طول الوقت موجودة، وطول الوقت الواحد مش متأكد هل العمل دا يستحق أن الواحد يعمله ولا لا.

واضاف: وبالتالي المقياس الحقيقي ليا أن أنا يبقى عندي شغف حقيقي للعمل، ويكون مسيطر عليا، ودا اللي بيخليني أحس أن المشروع مظبوط.

واستطرد: وفي فيلم إبراهيم الأبيض قعدت 8 سنين بحاول أعمل الفيلم، بس عشان أنا كنت بحبه جدا، والعالم دا كان مستهويني بشكل كبير جدا، بس لو مكنش عندي هذا الإحساس تجاه الفيلم مكنتش هقعد 8 سنين بحاول أعمله.

رسالة مروان حامد لصناع مسلسل الاختيار 3

وسبق وأن توجه مروان حامد، نجل السيناريست وحيد حامد، بالشكر لصناع مسلسل الاختيار 3 بعد أن قاموا بعمل إهداء خاص لوالده في بداية الحلقة الأولى من العمل.

وكتب مروان حامد على حسابه الرسمي بموقع التواصل الإجتماعي فيسبوك: “شكرًا لكل أسرة مسلسل الاختيار الجزء الثالث لإهدائهم العمل لروح والدي الكاتب الكبير وحيد حامد رحمة الله عليه.. مع تمنياتي للعمل بالنجاح الكبير والتوفيق.