عاجل
الإثنين 15 أبريل 2024 الموافق 06 شوال 1445
رئيس التحرير
عمرو الديب

حمو بيكا ردا على حسن شاكوش: انا مش عدوك انت اخويا وعلى دماغي

حمو بيكا
حمو بيكا

رد مطرب المهرجانات الشعبية حمو بيكا على تصريحات صديقه المطرب حسن شاكوش والتي أشار فيها الاخير بأن بيكا لم يقوم بعزومته على  عقيقة ابنته تاج، واصفا إياه بالعدو.

تحيا مصر

حمو بيكا لحسن شاكوش: كلمتك كذا مرة اعزمك تليفونك كان مقفول 

ورد حمو بيكا على تلك التصريحات، قائلا: حسن شاكوش زميلي وأخ ليا.. وبيقولوا عدوك ابن كارك، وأنا يا ابني مش عدوك، أنت أخويا وعلى دماغي، وكلمتك كذا مرة تليفونك مقفول، وقابلت مدير أعمالك وقلتله بتصل بحسن وموبايله دايمًا مقفول، وقلتله إديله الدعوة، وقوله سبوع بنت أخوك يوم كذا.. وطالما بلغت مدير أعمالك يبقى بلغتك، ولو كنت عاوز تيجي كنت جيت زي ما جيت فرحك.

حمو بيكا لحسن شاكوش: أنت مش عدوي انت اخ ليا 

وتابع حديثه: هعاديك في إيه يا حسن، ربنا ما يجيب عداوة بينا.. سواء جيت أو مجتش كأنك جيت ونورتني وشرفتني، وفي فرحك هجيلك وهكون أول واحد واقف معاك علشان أنت مش عدوي، أنت أخ ليا، وعمر كمال عزمته وكلمته ومجاليش برضه هعمل إيه تاني.. أنا ماعدنيش العيب أنتم أخواتي وأصحابي وأنا كنت خير ليكم وسند وأنتم برضه سند ليا.

حسن شاكوش يهاجم حمو بيكا 

وكان قد قال حسن شاكوش في فيديو لايف نشره عبر حسابه الرسمي بموقع تبادل الصور والفيديوهات انستجرام: مبتحركش ومبروحش لأي حد من مكاني غير لما أتعزم، إلا لو كان عندي شغل وأنا كان عندي شغل ولكن غير كدة بيكا معاه تليفوني ومعزمنيش فلو كان عزمني كنت روحت وممكن تكون الدنيا كانت لاهياه ولا حاجة.

وتابع حديثه، قائلا: حب الخير لغيرك عشان ربنا يكرمك ويقويك في اللي انت فيه أوعا تكره لحد الخير وأي حد حتى عامل النظافة ليه عدو، وعدوم ابن كارك، مفيش حد عايزك أحسن منه وده حقه، ولكن فيه ناس غيرة شغل وغيرة شخصية، أنا كـ حسن شاكوش عمري ما غيرت من حد لأني قبل ما ادخل المجال ده وأنا ثقتي في ربنا وفي نفسي كبيرة جدا، أكبر مانتوا تتخيلوا والثقة في النفس لوحدها تخليك رافع راسك في كل حتة، فغير في الشغل حقك ياحبيبي عادي وكل في نفسك، وفي غيرة برة الشغل، ودي بتلاقي ناس كتير جدا حبيبي وأخبارك وهو ما مجرد تديله ضهرك بيشتم عليك وكل الوحش بيطلعه فيك.

تابع موقع تحيا مصر علي