جمال العدل: الرقابة لازم تفك شوية.. والأغنية بتعمل تأثير أكبر من 100 خطبة

أكد المنتج جمال العدل على أنه يجب على الرقابة أن تخفف من قيودها على المبدعين، وذلك خلال لقاء له ببرنامج كل يوم، مع الإعلامي خالد أبو بكر، عبر شاشة تلفزيون قناة أون.

تحيا مصر

تصريحات جمال العدل في برنامج كل يوم

وقال جمال العدل: الأوامر اللي واخداها الرقابة لازم تفك شوية عن كدا، كلنا عارفين المفروض نقدم ايه ومنقدمش ايه بدليل أننا لما عملنا فاتن أمل حربي كان فيه حاجات تخص الدين والأحاديث جبنا دكتور من الأزهر راجع المسلسل شوت شوت، وجبنا 3 محاميين كبار، وبالتالي كلنا عارفين التزاماتنا، ولو وصلنا لأن الرقابة تقولنا روح للأزهر هناخد سنين، والرقابة عندها محاذير أنها منعرفهاش، وفي مسلسل سجن النسا لما طلعنا سجانة مرتشية رفعوا علينا قضية.

وتابع: احنا عشان نصور في قطر واقف في السكة الحديد ثابت في مخزنه بندفع 200 ألف جنيه، وعشان تصور في المطار بردو رقم خوزعبلي يعدي الـ 200 ألف، فمازالت مصر تملك مبدعين كبار في كل المجالات، ولكن عايزين تسهيلات، والأغنية بتعمل تأثير أكبر من 100 خطبة.

جمال العدل: شبرا على أيامنا كانت كل الناس شبه بعض.. والوالد كان منفتح على الفنون وحببنا فيها

جمال العدل: محمد رمضان بيجيب إحباط للشباب ومفيش بيني وبين نيللي كريم خلاف

جمال العدل ومحمد هنيدي

وسبق وأن كشف المنتج جمال العدل عن رأيه في تقديم جزء ثاني من فيلم صعيدي في الجامعة الأمريكية، وذلك خلال لقاء له ببرنامج حبر سري مع المذيعة أسما إبراهيم، عبر شاشة تلفزيون قناة القاهرة والناس.

وقال جمال العدل: مش متحمس للجزء التاني من فيلم صعيدي في الجامعة الأمريكية لأنه تكرار للنجاح، الجزء الأول عمل نقلة في السينما المصرية، وأغلب السينمات اللي كانت قافلة فتحت، وأنا أشك أن الجزء التاني ينجح زي الأول وغير متحمس.

وتابع: هنيدي بيعمل أرض النفاق الجزء التاني من غيري للأسف، هنيدي صاحبي وعشرة عمر واللي غايظني أنه نجم وكبير وعيب يعمل كدا، ولكن حقه يعمل كدا، واللي غاظني أكتر أنه لما نزل الصورة بعتهاله على الواتساب قولتله ايه دا مردش عليا لغاية دلوقتي، ورأيي أنه مش هينجح.

أخر أعمال جمال العدل في الدراما

ومن الجدير بالذكر أن أخر أعمال جمال العدل في الدراما مسلسل عملة نادرة من بطولة نيللي كريم، جمال سليمان، جومانا مراد، أحمد عيد، كمال أبو رية، فريدة سيف النصر، ندا موسى، محمد لطفي، على الطيب، مريم الخشت، هشام عاشور، نهى صالح، ومحمد فهيم، رمزى العدل، وئام مجدى، بالإضافة إلى عدد كبير من الفنانين الشباب.