ضعيفة ومستسلمة.. دينا تكشف تفاصيل شخصيتها في فيلم عادل مش عادل| خاص

حرصت الفنانة دينا على كشف تفاصيل شخصيتها في فيلم عادل مش عادل، والذي من المقرر عرضه ضمن سباق افلام رأس السنة 2024 في يوم 4 من شهر يناير الجاري داخل مصر وفي السينمات العربية في يوم 11 من نفس الشهر.

تفاصيل شخصية دينا في فيلم عادل مش عادل

وقالت دينا خلال تصريحات خاصة لموقع تحيا مصر: عادل مش عادل فيلم كوميدي، وانا دوري فيه نجمة وممثلة كبيرة وفيه أحداث كتيرة بتحدد مجرى الفيلم مينفعش اقولها ومش هرقص فيه.

وتابعت حديثها، كاشفة عن تفاصيل الشخصية بشكل أكثر: هي بعيدة عن شخصيتي الحقيقية خالص هي مستسلمة وضعيفة لكن أنا بدي جامد. 

دينا: أحمد الفيشاوي روحه حلوة وبحب فنه

واستكملت: اغلب مشاهدي في فيلم عادل مش عادل مع أحمد الفيشاوي ومحمد رضوان وبوديه في داهية، هو روحه حلوه وبيحب فنه وبيحب يتبسط والشغل معاه لذيذ.

واكدت: فيلم عادل مش عادل لذيذ جدا وكلنا فيه مختلفين والفترة دي بيهتموا بالسينما، والواحد بيستمتع أما بيكون فيه شخصية جديدة حتى لو التانية ممكن متنجحش الناس بتحب التغيير.

وعن سر انجذابها لدورها في فيلم عادل مش عادل، قالت دينا: ورق الفيلم حلو جدا والمخرج أول مرة اشتغل معاه لكن كان عامل أفلام لأحمد الفيشاوي قوية واتعاملت مع أحمد الفيشاوي مرة قبل كدة.

وأشارت دينا أن الأعمال الكوميدية ضرورية في هذا الوقت، معقبة: الناس مكتئبة والكوميديا هي اللي هتريحهم شوية الناس مش قادرين يشوفوا حاجة دمها تقيل. 

دينا وجدل صورتها مع أحمد الفيشاوي

وتحدث دينا عن صورتها المثيرة للجدل مع احمد الفيشاوي من كواليس تصوير فيلم عادل مش عادل: الناس عندها توقعات غريبة في مخها احنا زملا وكنا بنهزر ومدير التصوير كان معانا والناس علقت تعليقات سخيفة بس عادي انا بشتري دماغي ومشترياها من زمان اوي.. دافعة تمنها ومرتاحة.

خاص| دينا عن صورتها مع أحمد الفيشاوي المثيرة للجدل: احنا زملا وكنا بنهزر والناس تعليقاتها سخيفة

هذا ومن المقرر عرض فيلم عادل مش عادل ضمن افلام رأس السنة وذلك في يوم 4 من شهر يناير الجاري زمن المتوقع أن يحقق العمل نجاحات كبيرة خلال فترة عرضه.