بسبب بنات السباعي.. الخلافات تنشأ بين ريم البارودي وهبة حسن: تجاهلتني

كشفت الفنانة هبة حسن عن سبب خلافها مع الفنانة ريم البارودي الذي نشأ على هامش مسلسل بنات السباعي، وذلك خلال لقاءها في برنامج القاهرة اليوم.

خلاف هبة حسن وريم البارودي

وقالت هبة حسن في تصريحات يرصدها تحيا مصر: أنا متعودة دايما إن في أي عمل بنعمل منشن وتاج لبعض عشان بيبقى في ناس أكبر بتشوف الحاجات دي زي ما حصل معايا في مسلسل بابا المجال، وأنا بصراحة هنا تخيلت إن أنا وريم ممكن نعمل كده عشان الحدوتة قائمة على البنتين وأزواجهم والأب والأم فالمفروض نبقى مع بعض أوي علشان عايزين المسلسل ينجح أكتر.

تصريحات هبة حسن 

وتابعت، أنا فوجئت إنها بتنزل صور واستوريهات ومش بتعمل لي منشن بتعمل لمساعدين الإخراج والاستايلست والممثلين كلهم إلا أنا، فبدأت أنا كمان أعمل زيها وعشان متزعلش مني بقيت أكتب أميرة ومسعد أنا وحجازي مش حابه إني اكتب كل الناس واسيبها هي بس، كنت متخيلة إن هيبقى في تعاون ما بينا بجد.

أبطال حكاية بنات السباعي

حكاية بنات السباعي من بطولة ريم البارودي، محمد التاجي، محمود حجازي، هناء الشوربجي، أحمد جمال سعيد، والعمل من تأليف محمد إبراهيم عوض، وإنتاج إبراهيم الصاوي، وعماد الحساني، وإخراج تامر حمزة.

وقالت ريم البارودي عن العمل: أنا عاملة شخصية ياسمين وهي كبيرة أخواتها البنات وحبيبة أبوها ومامتها وشخصية جدًا، ودايمًا الكبير والشخصية واللي مسؤول ممكن يغلط لإن الإنسان في الأول والآخر خطاء ده اللي هنتابعه وبتحب جدًا جوزها وشخصية حلوة جدًا وموجودة حقيقية وموجودة في المجتمع.

وتابعت البارودي، الشخصية دي عبتني أوي وعلطول أستاذ تامر بيتعبني عشان يطلع أحسن حاجة عندي ويارب أطلع عند حسن ظن الجمهور وأطلع عند حسن ظن تامر نفسه ودعواتكوا.

حكاية بنات السباعي بطولة ريم البارودي تتصدر الأكثر مشاهدة

الجمهور يشيد بـ ريم البارودي بعد عرض حلقات بنات السباعي

وأضافت ريم البارودي، أنا الحكاية دي عزيزة جدًا على قلبي لأن هو مخرج عزيز جدًا على قلبي ومخرج موهوب ومخرج كبير ومش أنا طبعًا اللي هقيم أستاذ تامر أبدًا ولكن كان عندي تجربة سابقة معاه اللي هي قيد عائلي.

واستكملت ريم البارودي حديثها قائلة: إن شاء الله بنات حمزة من مسلسل حد فاصل هي أول بطولة ليا ويارب تعجب الناس، والشهر ده المفروض تبقى على منصة والقنوات ونخليها مفاجأة.