اللي أقنعها تحضر أضرها.. انتقادات حول ظهور نجاة الصغيرة في حفل Joy awards

تفاجئ الجمهور بظهور الفنانة نجاة الصغيرة في حفل توزيع Joy Awards، الذي انطلق أمس السبت الموافق 20 يناير بالمملكة العربية السعودية، ورصده تحيا مصر بحضور المستشار تركي آل الشيخ، رئيس الهيئة العامة للترفيه.

نجاة الصغيرة تتألق بأغنية عيون القلب

وتألقت الفنانة نجاة الصغيرة، بأغنيتها التي تحمل اسم عيون القلب، على مسرح حفل توزيع جوائز Joy Awards، وسط تصفيق الحضور.

الجمهور ينتقد ظهور نجاة الصغيرة في حفل Joy awards 

ولكن كان للبعض من الجمهور، رأي مخالف في ظهور نجاة الصغيرة، حيث انتقدت أحدهم ظهورها في هذا السن قائلًا عبر حسابه الرسمي بموقع التواصل الاجتماعي فيسبوك: مجرد رأي.. 
اللى اقنع العظيمة نجاة الصغيرة 86 سنة أنها تطلع فى حفل JOYAWARD في السعودية أضرها منفعهاش، مسندينها وهى داخلة وهى خارجة وواقفة متلصمة وماسكة فى المايك.

وتابع، وجايبين التصوير من بعيد عشان مايبانش أنها بتحرك شفايفها مع الأغنية المسجلة وكانت هتقع لما سابوا ايديها ورفضت تتكلم لأن صوتها بيترعش وهيبان الفرق.

وأضاف، ده مش تكريم ياريت كانت فضلت على صورتها القديمة أحسن ليها ولتاريخها كما فعلت شادية بعد اعتزالها رغم كافة العروض.. كنت أتمنى من مصر تكريم السيدة في بلدها لو كانت محتاجة فلوس.

بالاسود.. إنجي علي تتألق في حفل Joy awards بالرياض

بعد غياب سنوات.. نجاة الصغير تبدع على مسرح حفل توزيع جوائز joy awards

كلمات أغنية عيون القلب نجاة الصغيرة 

جدير بالذكر، أن أغنية عيون القلب التي أشعلت بها نجاة حفل Joy awards تقول كلماتها:

عيون القلب سهرانه مابتنامشى
لانا صاحيه ولا نايمه مبقدرشى
يبات الليل يبات سهران على رمشى
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم
حبيبى حبيبى اه من حبيبى عليه احلى ابتسامه
لما بتتضحك عيونه بقول يلا السلامه
لما يسلم عليه والا يقولى كلام
عايزه ورا كل كلمه اقوله ياسلام ياسلام
ده قالى فى يوم ياحبيبتى خدى القمر
ورحت معاها وما ادنى الا السهر
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم
تقولى كلام وافرح بيه انا افرح بيه
اسيب النوم وافكر فيك انا افكر فيك
انت تقول وتمشى وانا اسهر منامشى
ياللى مبتسهرشى ليله ياحبيبى
سهرانى حبيبى حبك ياحبيبى
بكتب على الليالى اسمك ياحبيبى
انت تقول وتمشى وانا اسهر منامشى
ياللى مبتسهرشى ليله ياحبيبى
سهرانى حبيبى حبك ياحبيبى
بكتب على الليالى اسمك ياحبيبى
ده قالى فى يوم ياحبيبتى خدى القمر
وروحت معاها وماادنى الا السهر
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم
حبيتك يا حبيبى من غير ما اسال سؤال
وها اسهر يا حبيبى مهما طال المطال
انا بس اللى محيرانى ومخلنيش انام
ازاى انا بقدر اسهر و ازاى تقدر تنام
و اقوله حبيبى كل ما فيك حبيبى وحلو
صوتك حلو قلبك حلو وحتى لما تتعبنى
و اسهرلك سهرك حلو
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم