تامر حسني: من النهاردة لبكرا فرصة لأي حد عمل ذنب كبير غصب عنه ربنا يسامحه

حرص الفنان تامر حسني على توجيه نصيحة لجمهوره ومتابعيه بمناسبة حلول منتصف شهر شعبان، وذلك من خلال منشور عبر حسابه الشخصي على موقع التواصل الاجتماعي فيسبوك.

نصيحة تامر حسني لجمهوره في منتصف شعبان

وكتب تامر حسني في منشوره الذي يرصده موقع تحيا مصر: صباح الخير على أغلى الناس معلش بعد إذنكم اقرأوا كلامي للأخر، نص شهر شعبان، من النهاردة لبكرا أعمالنا بتترفع لربنا يعني كلنا نلحق نستغفر ونطلب من ربنا يسامحنا محدش يتخيل أنه عمل أخطاء كتير فمالوش عين يطلب لا لا لا مهما عملت أطلب حالاً وياريت لو نصوم بكرا أنا هعمل كده أي حد عنده شغل ياريت يفضي شوية وقت عشان يستغفر ويدعي كتير بقدر الإمكان.. اليوم ده ليه سحر وأنا جربته كتير قبل كده وهتحسوا في قلوبكم أن في حاجة اتشالت من عليكم وبقيتوا مبسوطين أكتر، ادعوا بكل اللي تتمنوه أوي أوي.

تامر حسني: بكرا  فرصة لأي حد عمل ذنب ربنا يسامحه

وتابع: فرصه لأي حد عمل ذنب كبير غصب عنه أو قاصد بس ندمان فرصه أن ربنا يسامحه دلوقتي بس نفتكره ونطلب منه يلا يا جماعة من دلوقتي لبكرا اعتبروا أن ده يوم  بسنه كامله وجايز بكرم ربنا يبقى يوم بحياتك كلها اجتهدوا فيه أوي من صلاه من تصدق من ذكر من دعاء من صلة رحم، اليوم ده تقدر من خلاله تبدأ صفحة جديدة مع نفسك ومع ربنا أوعى تحس أنك بعيد ومتسمعش كلام اي حد يقولك يا عم انت بتعمل وبتعمل قوله ملكش دعوة ليا ربنا هيحاسبني مش أنت ونخلي عندنا يقين مش عادي  ركزوا على كلمة يقين مش عادي أن ربنا سامعنا وهيستجيب لنا وهيحققلنا اللي بنتمناه، واللي هيكون صالح لينا و هيسامحنا، عشان تفرق كتير أوي لو بتدعي وعندك يقين أو معندكش بتفرق كتير أوي صدقوني، ومتنسوش تدعولي معاكم بعد إذنكم محتاج دعواتكم جداً.

تامر حسني يعلن انتهاء طرح ألبوم هرمون السعادة| تفاصيل

رانيا منصور: تامر حسني مخرج شاطر.. تجمعني بنجم الجيل تعاونات فنية قريبًا.. وهذه تفاصيل أعمالي القادمة| حوار

تامر حسني يعلن انتهاء طرح هرمون السعادة 

وسبق وأن أعلن الفنان تامر حسني عن إنتهاء طرح ألبوم هرمون السعادة والذي أصدره عبر قناته الرسمية بموقع الفيديوهات الشهير يوتيوب على شكل أغنيات متتالية يرصدها بشكل يومي وفي مسافة بعيدة عن الأخرى.

ونشر تامر حسني بوستر ألبوم هرمون السعادة عبر حسابه الرسمي بموقع تبادل الصور والفيديوهات انستجرام في منشور، وعلق عليه، قائلا: هرمون السعادة ”تقدروا تسمعوه كاملًا على جميع منصات الاستماع واليوتيوب ".