فيفي عبده: الرقص ليه هيبته.. والرقاصة دي ليها ناسها بيحترموها

كشفت الفنانة فيفي عبده عن رأيها في حال الرقص الشرقي خلال الفترة الحالية، وذلك خلال لقاء لها ببرنامج الراديو بيضحك مع الإعلامية فاطمة مصطفى عبر محطة الراديو 9090.

فيفي عبده: الرقص ليه هيبته

وقالت فيفي عبده في تصريحاتها التي يرصدها موقع تحيا مصر: الجيل الجديد في مصر بعافية شوية وكان زمان الرقص ليه هيبته، وازاي بيتفرجوا عليه، حتى اللي كان بيتفرج مش زي دلوقتي، اللي كانوا بيتفرجوا كان ليهم تقلهم وهي ليها تقلها اللي بتشتغل، ودلوقتي كلهم بيقلدوا بعض، وبدل الرقص دلوقتي مش زي زمان، أنا كسرت الدنيا بالجلابية وأيام ما كنت فقيرة مكنتش بقدر اشتري بدلة رقص ولا حاجة عشان ألبسها فلما ربنا اداني واشتغلت بقى اللي عليا اشتري هدوم وبس.

وتابعت: كل يوم 5 مصممين بيصممولي عشان ارقص في مسرحية حزمني، وكنت كل يوم اغيرلها طقم ما عدا الجلابية البيضا، وغلطة عمري أني مصورتش المسرحيات اللي عملتها، صورت 3 بس، وأنا عاملة 15 مسرحية، ودلوقتي لو رجعت أعمل مسرح هصور اللي مصورتوش.

فيفي عبده: أنا حجيت 5 مرات.. والرقاصة ليها ناس بتحترمها

واضافت فيفي عبده: كفاياكم كلمة الرقاصة الرقاصة أنا حجيت 5 مرات وعملت عمرة، هو مفيش شماعة مايلة غير الرقاصة ؟، الرقاصة دي ليها ناسها بيحترموها وبيتفرجوا عليها، زهقنا خلاص. 

وعن طقوسها في شهر رمضان، قالت فيفي عبده: الأكل والصلاة والأسرة، دي حياتنا في رمضان، والسنة اللي فاتت شوفت شوية من مسلسل جعفر العمدة، لأني كنت عاملة التيمة دي في مسلسل كيد النسا، وقبل نجاح المسلسل دا بجزئيه الناس وقعوا بيني وبين المخرجين قالك بتقل أدبها على المخرجين ودا ظلم طبعا بالنسبالي.

فيفي عبده: نفسيتي تعبانة.. وايد الهون اتكسرت في ايدي بسبب الحسد

الخميس المقبل.. فيفي عبده في ضيافة فاطمة مصطفى ببرنامج الراديو بيضحك

فيفي عبده تطمئن جمهورها

وعلى صعيد أخر، حرصت الفنانة فيفي عبده طمأنة الجمهور والمتابعين على أخر تطورات حالتها الصحية، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

ونشرت فيفي عبده مقطع فيديو لها، قالت فيه: يا صباح الورد والفل والياسمين والهنا من الساحل الشمالي.. أنا مبسوطة أوي النهاردة الحمد لله رب العالمين أن ربنا كرمني وبقيت أمشي كويس.. بقالي شهرين بتمرن في المية واسمريت وخدت لون.. والحمدلله بقيت كويسة بعد العملية.. وبشكر كل الدكاترة اللي كانوا معايا.