ماذا قال والد طالب الدقهلية في اول محاكمة لقاتل ابنه.. فيديو

مفاجآت مثيرة كشفها والد طالب الدقهلية خلال اول جلسات محاكمة قاتل ابنه - مدرس الفيزياء - حيث كشف مخطط المدرس في تلفيق الاتهام لـ عم طالب الدقهلية الضحية، وايضا علق على ندم مدرس الفيزياء على جريمته، ويرصد موقع تحيا مصر أبرز تصريحات والد طالب الدقهلية.

تحقيقات النيابة الإدارية تكشف مفاجآت في حريق مصحة إدمان الإسماعيلية

قرار عاجل بشأن سائق أوبر المتهم بوفاة فتاة الشروق حبيبة الشماع

ماذا قال والد طالب الدقهلية بعد محاكمة المتهم

حيث قال والد طالب الدقهلية خلال أولى جلسات محاكمة المتهم، اللي حصل حاجة كبيرة جدا ومعنديش أهم منها عشان أحضرها، ربنا هو المنتقم والمطلع وحسبي الله ونعم الوكيل في المتهم وسواء الحكم دلوقتي أو بعدين أنا واثق في القضاء وفي الإجراءات وأن القصاص قريب جدا.

وتابع والد طالب الدقهلية، كانت صدمة كبيرة بالنسبة لي لما عرفت أن المدرس هو اللي عمل كدة ويمكن كانت زي صدمتي في موت أبني، إزاي يكون مؤتمن عليه ويغدر بيه كدة، وكمان كان بيظهر أنه قريب ليه وإيهاب كان واخده قدوة، لكن اتضح أنه كان بيعمل كدة عشان ينفذ جريمته.

والد طالب الدقهلية: كان بيدور معانا وهو مخلص عليه

وأكد والد طالب الدقهلية إيهاب أشرف، أنا مقابلتش المدرس في النيابة ولا في الشرطة، والمرة الوحيد كانت قبل ما نلاقي إيهاب ساعتها كان بيدور معاها وأعتذرت له أننا سببنا له قلق وهو ساعتها كان بيدور معانا وبيسأل كل شوية عن إيهاب وطبعا مكنش في شك.

وهو كان بيحاول يضلل العدالة بتغير أقوال الشهود من الطلاب لتزوير الشهادات، ودي كانت محاولة فاشلة منه في تضليل العدالة لكن الله كريم، وهو قال في تحقيقات النيابة أنه مقدرش يدفن الجزء السفلي ودي الغلطة الوحيدة، لكن الشرطة كان ليها الدور الأكبر في أنه مقدر يدفن الجزء السفلي واللي بيتعرض لأي شيء يبلغ سريعا الشرطة.

والد إيهاب: جاي تندم في المحكمة وقت ما يفيد الندم

واستكمل والد طالب الدقهلية، المتهم كان بيتصل كل شوية وبيطمن معانا وبيراقب تحركات الأسرة، وعايز الكل ياخد باله هو كان بيعرف كل التحركات من أبن أختي اللي كان زميله في الدراسة، وأي حد بيراقب تحركات ويسأل بإهتمام شديد بيخبي حاجة وراه.

وتابع والد طالب الدقهلية، أهلك وطفلك الصغير مسئولين منك جاي تندم هنا وأنا معرفهوش معرفة شخصية وأنا لم أنظر له ولن أنظر له، وأنا سامعه بيقول للقاضي أنا اللي قتلت طالب الدقهلية ومش عايز محامي، وطبعا دي صورة قانونية لابد أن تكتمل ولازم المحكمة تنتدب محامي له، وتوقعت أن يكون في محامي يماطل لكن هو نفسه لم يماطل وطلب القانون ياخد مجراه.

والد طالب الدقهلية: المتهم كان بيراهن على أننا مش هنبلغ الشرطة

وأكد والد طالب الدقهلية، مدرس الفيزياء المتهم بقتل ابني كان مستسلم وراضخ لانه عارف أن المصير محتوم، والمحامي لو واحد متهم وهو برئ المحامي هيساعده لكن الاتهام ثابت ده عايز ساحر مش محامي، الموضوع محتوم وواضح والمتهم معترف والقصة خلصانة، وكمان من ضمن إعترافاته أنه قال أنا بحضر للجريمة من زمان وطريقة تحضير السلاح ومكان تنفيذ الجريمة وملقاش غير المكان اللي بيديله فيه الدرس.

وعن زوجة مدرس الفيزياء، قال والد طالب الدقهلية، أن الزوجة ليست مشتركة في الجريمة زي ما تحقيقات النيابة قالت ولكنها عرفت بالواقعة بعدها بيوم وزي ما المحامي قال أن القانون بيعفي الزوجة من التستر على مجرم لأنها من أقارب الدرجة الأولى وأحنا ورا القانون والقضاء بكل الطرق.

واستكمل والد طالب الدقهلية، المتهم قال أنا معنديش حد يساعدني ولا أعرف حد يساعدني، وهو كان بيراهن أننا مش هنبلغ الشرطة فيقدر يخفي الجثة ويتزنا براحته، وطبعا الوضع اللي شوفناه في المحكمة تبلد في الأحساس وبرود أعصاب، والحكم النهائي عندنا ثقة كبيرة في القضاء والقصاص قريب جدا، وكل الناس كانت متوقعة أن محامي مدرس الفيزياء كان هيتنحى كدة كدة واعتراف المتهم من عدمه لا يمثل بالنسبة لي أي شيء.