عاجل
الخميس 30 مايو 2024 الموافق 22 ذو القعدة 1445
رئيس التحرير
عمرو الديب

عمل معايا الغلط أنا ومراتي.. ضحية شقيقه بـ سوهاج: عنده جشع|فيديو

ضحية شقيقه في سوهاج
ضحية شقيقه في سوهاج

تفاصيل مثيرة في واقعة ضحية سوهاج والذي تعرض لواقعة مأساوية على يد شقيقه، ويرصد موقع تحيا مصر التفاصيل الكاملة في ضحية شقيقه في سوهاج.

تفاصيل واقعة ضحية شقيقه في سوهاج

وقال أحمد عبداللطيف معلم لغة إنجليزية لـ موقع تحيا مصر، أنا جيت أنا وأخواتي وقسمنا الأرض الزراعية وأخدت قصاد قطعة الأرض وكل واحد من أخواتي خد 15 قيراط وأنا أخدت 3 بس، ونظفتها من اللي كان فيها وكلفتني كتير وسويت الأرض، وبعدها أخويا كسر ماسورة الصرف وعايز ينزلها جوا الأرض.

وتابع ضحية شقيقه في سوهاج، قسمنا الميراث بالتراضي وبدأت أنضف في حتة الأرض ولما جيت أكمل الأرض، لقيت أخويا وابنه بالعصيان وضربونا أنا وعيالي ومراتي اللي حامل، وأنا قاعد دخلوا عليا أخويا وابن أخويا ونسيبه، وضربوني وأنا لوحدي ومصدوم وأنا أقوله أنت بعت 5 قيراط من نصيبك لكن مش عايزني أتقدم.

ضحية شقيقه: لو لوحده كنت قولت معلش لكن جايب غرباء

وأضاف ضحية شقيقه في سوهاج، وأنا هنا معروف في البلد وهما مش عارف عايزين ياخدوا حاجات ولدي عشان أنا موظف، طيب أنا موظف يعني أنا عشان موظف يبقى ياخدوا الميراث بتاعي، والمشكلة قائمة لحد النهاردة ومحدش قدر يتدخل من البلد ولا حد عارف يفصل بينا.

واستكمل ضحية شقيقة في سوهاج، وأنا عامل دعامة في القلب والحمد لله لولا عملية القلب مكنش حد قدر عليا، وولدي تاه في المشكلة واتهمتهم بالخطف، وأحنا بنتخانق ملقتش الواد فجأة وقولت أنهم خطفوه، وكل ده عشان الأرض والميراث طيب هما عايزين ايه.

ضحية شقيقه في سوهاج: في جشع وخبث من ناحية أخويا

واستطرد ضحية شقيقة سوهاج، ولدي اللي أنا اللي بستناه بقالي 28 سنة يتوه مني في لحظة عشان ميراث والحاجات دي، وعملت المحضر ومحصلش حاجة معايا، وزوجتي في المستشفى واخدة ضربة في بطنها وهي حامل، وأنا صاحب مرض في القلب وسني لا يسمح باللي هما عملوه معايا حسبي الله ونعم الوكيل.

وأكمل ضحية شقيقه سوهاج، حزنت أنه أخويا ومش دي بس القصة ده جايب لي واحد من عائلة تانية نسيبه، لو هو لوحده كنت اتكلمت معاه لكن جايبلي ريب، وقعد يشتمنا ويشتم الجيران ليه كل ده، وأنا مغلطتش فيه، أنا الحمد لله علاقتي كويسة لكن في خبث وطمع وجشع من ناحيته ومحدش قادر يحل المشكلة بيني وبينه، والحمد لله ربنا سترها وعدت على خير لكن عايز حقي.

تابع موقع تحيا مصر علي