يسرا: أكتر حاجة بتستفزني من جوزي لما يعاندي.. ودي قصة اسمي

كشفت الفنانة يسرا قصة تسميتها بهذا الاسم، وذلك خلال لقاء لها ببودكاست ليك لوك مع الفنان عمر متولي، المذاع عبر موقع التواصل الاجتماعي فيسبوك.

يسرا تحكي قصة اسمها

وقالت يسرا في تصريحاتها التي يرصدها موقع تحيا مصر: كان عندي جدتي اللي هي مامت ماما وأختها واحدة سمتني يسرا والتانية سمتني سيفين، واسم يسرا طلع لما أستاذ عبد الحليم نصر طلب قال أنا عايز اسميها اسم بس مش هسميها سيفين، أبويا قاله ماهي اسمها يسرا، قاله اه بس هكتبه بالألف عشان محدش يقراها غلط.

أما عن أحلى صفة تحبها في الرجل، قالت يسرا: أحلى صفة في الراجل أني أحس معاه بأمان ومرتاحة، أكتر حاجة بتستفزني من خالد جوزي لما يعاندني، وهو عارف مفاتيحي، وعارف امتى بتنرفز فيروح مضايقني، وهو برج العذراء، ومن جواهم فلة، لكن بمزاجهم.

يسرا:  بعد الـ 14 مكنتش طفولة سعيدة لأن والدي أخدني من ماما

وسبق وأن تحدثت الفنانة يسرا عن تفاصيل طفولتها مع والدتها ووالدها، ومدى الصعوبة التي واجهتها في هذه المرحلة، وذلك خلال لقاء لها ببرنامج بصمة، المذاع عبر شاشة تلفزيون قناة الشرق ديسكفري.

وقالت يسرا في تصريحاتها التي يرصدها موقع تحيا مصر: أنا اتربيت في وسط أمي وجدتي وخلاتي وخلاني وقعدت معاهم لغاية سن الـ 14 والحقيقة عملوا مجهود كبير جدا عشان يدوني حياة حلوة، أنا فاكرة أن أمي كانت تنزل تبيع أي حاجة عندها عشان تدخلني أغلى مدرسة عشان اتعلم كويس وأنا مدرستي كانت الانترسكول وقتها كانت حاجة كبيرة جدا.

في عيد ميلاد يسرا.. سبب صادم حول عدم إنجابها

يسرا: اتظلمت كتير.. وسيبت أبويا بعد ما فتحلي وشي

يسرا: جات عليا فترة مكنتش بروح المدرسة

وتابعت: ولحد سن معين أقدر أقول أنها كانت طفولة سعيدة، بعد الـ 14 مكنتش طفولة سعيدة لأن والدي أخدني من ماما فبالتالي عيشت مع والدي وأنا معرفوش وكان غريب بالنسبالي وحد مفيش بيني وبينه تفاهم، كان صعب جدا من حياة فيها كل حاجة ليكي لفاجأة حياة مفيهاش ولا حاجة ليكي، منعني من المدرسة، فمروحتش المدرسة فدرست في البيت فلما نجحت قالي نجحتي ازاي، كان دايما عندي تحدي أنك هتكوني وهتبقي وهتنجحي وهتعدي المرحلة.