ثروتي أكثر من 13 مليون درهم.. لجين عمران تفجر مفاجآت في حبر سري

حلت الإعلامية لجين عمران ضيفة على برنامج حبر سري الذي تقدمه الإعلامية أسما ابراهيم على شاشة قنوات القاهرة والناس، والتي تحدثت به عن تفاصيل خاصة بحياتها الشخصية والأزمات التي واجهتها في حياتها.

لجين عمران: الناس بتقلب الهزار جد عشان تعمل تريند 

تحدثت الاعلامية لجين عمران عن تفاصيل التدوينة التي شاركتها بشأن تعرضها الاختطاف في عمان وقلبت مواقع التواصل الاجتماعي المختلفة، قائلة في تصريحات رصدها موقع تحيا مصر: في ناس بتحب تقلب الهزار جد عشان تعمل تريند ومواضيع تلفت الإنتباه والحاجات دي انا مش بديها أهمية ولا بعلق عليها عشان لو علقنا بتديها عمر اكبر ولكن أما بتسكتي مش بتغيب ساعات وبتتنسي.

وتابعت: انا مكنتش متعمدة اثير الجدل كان باين جدا اني بهزر وقولت كدة بعفوية جدا زي ما أقول اني وقعت أسيرة في قلب شخص معين مثلا، واضح اني بهزر جدا ولكن في ناس قاعدة تتربص وتنقل كل حاجة بنقولها.

واستكملت لجين عمران حديثها، قائلة: الصحف كلها بقت بتجري عشان تحط عناوين ملفته وكنت الأول ممكن أبكي بسببها واقول ازاي بيقولوا كدة بس دلوقتي خلاص بقيت مبردش اصلا ولا بأخد بالي من اللي بيتقال عني.

لجين عمران: علاقتي بحكومة دبي كويسة  

وتطرقت لجين عمران بالحديث عن انتقادها لفواتير الكهرباء في دبي، حيث قالت إنه كانت تواجه مشكلة بسبب الفواتير وكل مرة يخبروها بوجود أزمة في منزلها تسحب الكهرباء بشكل كبير ولكن بعدها علمت الحقيقة بعدما أتت صيانة من شركات الكهرباء في دبي، موضحة: "دبي احتضنتني واعتبروني بنتهم ومقصورش معايا في حاجة.. وعلاقتي مع حكومة دبي جيدة".

وعن فيديو رقصها في حفل زفاف، قالت لجين عمران:  كان فرح سيدات فقط وكل النساء الموجودة كانت بترقص وممنوع التصوير فيه ولكن واحدة اتعمدت تصورني وتنزلها على السوشيال ميديا، واللي صبرني وقتها والدي أما قالي أن الفيديو عادي ومتصور بين نساء انتي مش في ملهي ليلى أو شيء آخر. 

سيف زاهر لـ"حبر سري": محمد صلاح يقترب من الانتقال للسعودية.. هيكون الصفقة الأهم

لجين عمران تتحدث عن ثروتها 

وتطرقت لجين عمران بحديثها عن ثروتها، حيث قالت في نفس اللقاء مع حبر سري: مصدر ثروتي الحقيقي هو شغلي واللي عنده كلام غير كدة يطلع يقول، وأما قولت ثروتي 13 مليون درهم كان مجرد رقم في حاجات كتير محسبتهاش ومعايا اكتر من كدة بكتير.