أول ظهور لـ بوسي بعد أزمتها الأخيرة مع سعد الصغير| صور
ADVERTISEMENT
حرصت المطربة بوسي على تقديم واجب العزاء في وفاة والد الملحن محمد يحيى، الذي أقيم مساء يوم الأربعاء في مسجد الشرطة بمنطقة الشيخ زايد.
أول ظهور لـ بوسي بعد أزمتها مع سعد الصغير
وذلك يعتبر هو الظهور الأول للمطربة بوسي الذي يرصده موقع تحيا مصر بعد أزمتها الأخيرة مع المطرب سعد الصغير، حيث قالت المطربة الشعبية بوسي، إنّه تدخل بينها ووالدها من أجل ركوب التريند، مشيرةً إلى أنها لا تستبعد أن يكون أحد دفعه لذلك: «كان عاوز يركب التريند على قفايا، ومستبعدش عن سعد أي حاجة».
وأضافت بوسي، خلال حوارها مع الإعلامية بسمة وهبة، مقدمة برنامج «العرافة»، على قناتي «النهار» و«المحور»: «سعد الصغير أخد شقى وشقة ودهب أرملة أخيه المتوفي اللي كانت على ذمته واداهم لواحدة تانية مكنتش على ذمته».
سعد الصغير يرد على بوسي
وعلى صعيد آخر، حرص سعد الصغير الرد على كل الاتهامات التي وجهتها له بوسي، وقال في تصريحات خاصة لموقع تحيا مصر: بوسي كل ما يحصلها حاجة تكلمني تقولي الحقني واتمسكت قبل كده في كمين في التجمع واتصلت بيا عشان اروح ألحقها لأنها كان عليها حوالي 30 قضية ومش عاملة معارضات ونزلت لحقتها وطلبنا الإفراج عنها قصاد إننا هنعمل معارضة.
وتابع: أنا لو عايز أعمل تريند هجيبلكوا بوسي على تليفوني وهي بتشتم أبوها وتسمعوها بنفسكم، وعندي التسجيلات وأقدر انزلها في أي وقت لو أنا عايز أبقى تريند.
أخر أعمال بوسي
ومن الجدير بالذكر أن أخر أعمال بوسي تتر مسلسل أعلى نسبة مشاهدة بطولة سلمى أبو ضيف، وتقول كلمات التتر: "وبقينا في دنيا تلاهي دوشة وعيون باصه جوه الشاشات للأسف الزمن اتغير جامد كله بايعها كله كاشات، ليه كده مش واخدين بالنا من حالنا ووضع عيالنا عمال بيسوء، ده زمانهم عكس زماننا ركز احنا كارثة مش هنفوق، الدنيا خلال ماشية ترندات فضايحنا تجيب أعلى مشاهدات".
"شوف مين جيه وراح شوف مين في جراح حتى وجعنا بيتذاع لايفات التربية بقت موضة سودا جوه الأوضة ابنك ضاع، ما تحاول منه تقرب جرب سايبه يعايش كده في السراب، أكل العيش اه حاجة صعبة لكن لأجل ضنانا كله يهون، لو ضاعت منا عيالنا والله ما هيعوضها فلوس الكون، الدنيا خلال ماشية ترندات فضايحنا تجيب أعلى مشاهدات، شوف مين جيه وراح شوف مين في جراح حتى وجعنا بيتذاع لايفات".
جوجل نيوز
تطبيق نبض
