لازم ارفع راس الممثل قدام أهله.. أحمد عبدالله يروى موقف إنساني للمخرج محمد سامي في لوكيشن التصوير

حرص الفنان أحمد عبدالله الحديث عن كواليس التعاون مع الفنان محمد رمضان والفنان أحمد العوضي والمخرج محمد سامي، كاشفا عن كواليس هامة ومشوقة للغاية خاصة عن الجانب الإنساني للمخرج محمد سامي.

أحمد عبدالله: محمد سامي بيعملك نجم من مشهدين

وقال الفنان أحمد عبدالله خلال ندوته في موقع تحيا مصر:  محمد سامي عنده مقدرة أن انت داخل تعمل مشهدين تبقى نجم، وأتذكر في مرة من المرات ممثل داخل يعمل مشهد صغير خالص واتفاجئنا أنه جايب الممثل ده كما لو كان نجم من كل الاتجاهات فحد قاله احنا عايزين نخلص، فقاله ده ممثل هيقول لأهله كله اني عملت مشهد فيقعدوا مستنين المشهد ده لازم ارفع رأسه قدامهم، هو مجتهد جدا في شغله وإنسانيا جميل جدا أن الناس لازم تفرح.

وتابع حديثه، قائلا: محمد سامي في نسل الاغراب قعد 4 شهور في معسكر مغلق مش بيشوف عياله بيكتب بس وأول واحد بيجي اللوكيشن واخر واحد بيمشي ومبيسبش ثانية المشاهد بتاعته فهو راجل بيتعب اوي.

أحمد عبدالله: محمد رمضان مورهوش حاجة غير أنه يأكل سوشي في الجو

واضاف أحمد عبدالله خلال الندوة: محمد رمضان مش وراه حاجة غير أنه يأكل سوشي في الجو، وبعدين عمري ما اقدر اضرب وان لو حد عملها قبلي وضربه أنا اضربه، محمد رمضان نجم عظيم وكبير وبحبه اوي، هو يستاهل اللي هو فيه، كرم ربنا على محمد رمضان مش من فراغ شخص جدع جدا، وبيعمل حاجات كتير حلوة في حياته ولحبايبه وأصحابه وده شوفناه في اللوكيشن معاه ازاي أن انت توصل لأحلى مشهد.

أحمد عبدالله: أحمد العوضي بيحلم بالنجاح طول الوقت 

واستكمل أحمد عبدالله حديثه عن الفنان أحمد العوضي، قائلا: العوضي طول الوقت بيحلم بالنجاح وأنه يوصل ويكمل ويحقق حاجة مع الناس، العوضي عنده شغف غير طبيعي جبار، عنده احساس جواه عايز يوصل بيها لأبعد الحدود، فأنا قاعد مع حد وهو بيحلم وعنده شغف أنه يوصل ويبقى نجم كبير .

بعد تألقه في الموسم الرمضاني 2024.. موقع تحيا مصر يكرم الفنان أحمد عبدالله

مسلسل العتاولة الحلقة 14.. باسم سمرا يحرق غرفة صلاح عبدالله أمام أحمد السقا

وعن مشهد حرق الشباب في مسلسل حق عرب، قال أحمد عبدالله: هما جابو شادو كدة وماتوا أو مماتوش ربنا يتولاهم بقى مفيش جزء تاني ولا حاجة ده سيحة لبس 15 سنة في الليل دي كلها وعرب قالي انه هيوقف محامي وقال لعلي خليك مع سيحة.