أحمد حاتم: وجود ابني خلاني شخص مش أناني.. وفي الجواز كنت نسخة مش حلوة مني

تحدث الفنان أحمد حاتم عن تفاصيل علاقته بنجله عزيز، وذلك من خلال لقاء له ببرنامج abtalk مع المذيع أنس بوخش.

تصريحات أحمد حاتم عن نجله

وقال أحمد حاتم في تصريحاته التي يرصدها موقع تحيا مصر: وجوده خلاني مبقاش شخص مش أناني خالص وشخص بيستوعب أكتر بكتير من غير ما يعمل حاجة، هو وجوده بس، أن أنا بقيت عايز أبقى في حياته وعايز امارس دوري معاه مظبوط، ومامته ومامتها مساعدني في دا جدا.

وعن تجربة طلاقه قال أحمد حاتم: ممكن الفشل يكون عدا عليا كتير في الحياة وفي الشغل كمان بس دايما بشوفه شيء كنز كبير جدا لحد عايز يتعلم، والفشل في العلاقات في حاجة بتتعلمها، وأنا عمري ما عيشت لوحدي، أنا عيشت لوحدي بعد الطلاق، ودلوقتي معرفش أعيش مع حد.

أحمد حاتم: وقت الجواز كنت نسخة وحشة مني

وتابع: اتجوزنا ٣ سنين وكنت نسخة مش حلوة مني كنت شخص ممكن أكون ظالم في وقت حتى لو دا مش باين بس دا حقيقة الأمر، الطرف اللي معايا مكانش مبسوط ودي مش عادتي، التجربة خلتني أقف وقفة كبيرة وتوصلت أني أقدر اعمل اللي مقتنع بيه وحابه، اتعلمت دا بطريقة صعبة أو اتعلمته في شخص، وأنا قولتلها الكلام دا ايا كان دا مقبول ولا لا بس دا اللي حصل.

تفاصيل فيلم المنبر بطولة أحمد حاتم.. غير هادف للربح

أحمد حاتم يكشف عن أصعب مشاهد مسلسل ليه لأ

أخر أعمال أحمد حاتم

ومن الجدير بالذكر أن أخر أعمال أحمد حاتم فيلم السرب، الذي يعرض حاليًا في دور العرض السينمائية، والذي تدور أحداثه حول وقائع حقيقية وعمل الجهات الأمنية المصرية ضد المنظمات والكيانات الإرهابية، ومنها واقعة ذبح 21 مصريا في ليبيا وقيام الجيش بعمليات للتصدي لتلك الجماعات الإرهابية.

ويشارك في بطولته عدد كبير من النجوم والنجمات، منهم: أحمد السقا، دياب، محمد ممدوح، صبا مبارك، نيللي كريم، أحمد حاتم، كريم فهمي، شريف منير، مصطفى فهمي، عمرو عبد الجليل، وغيرهم، والفيلم من تأليف عمر عبد الجليل، وإخراج أحمد نادر جلال.