أحمد العوضي: كنت بحلم اقدم صورة البطل الشعبي الجدع وتمنيت والدتي تبقى عايشة وتشوف نجاحي

تحدث الفنان احمد العوضي في مداخلة هاتفية مع الإعلامي عمرو الليثي في برنامج يحدث في مصر، عن سر مشاركته في مسلسل حق عرب وسر نجاح هذا العمل، مشيرا إلى أنه كان يتمنى أن تشاهد والدته هذا النجاح.

احمد العوضي: نشأتي شعبية وموهوس بالجدعنة

 وقال احمد العوضي في تصريحات رصدها موقع تحيا مصر عن سر قبوله بمسلسل حق عرب: نشأتي شعبية ومن وأنا صغير كنت مهوس بالجدعنة وولاد البلد، وكنت بحلم لما أبقى بطل أقدم صورة البطل الشعبي الجدع، وأنه مبيضربش بس وممكن ينصر الحق ويتمسك بالعادات والتقاليد اللي افتقدناها دلوقتي شوية.

وتابع احمد العوضي حديثه، قائلا: كنت عايز مسلسل قيم وميتنسيش بعد عرضه، وعجبني مسلسل حق عرب أول ما قرأته، وأنا اللي أطلقت عرب السوريكي على الشخصية لأن الأسامي بتكون مميزة عند الناس.

أحمد العوضي: كنت اتمنى والدتي تبقى موجودة وتشوف نجاحي 

اللزمات بتاعتي في حق عرب تشكر منحرمش ووحد الواحد، وباقي اللزمات اللي كتبها المؤلف، و الكاست هو 100% من نجاح العمل، أنا بنجح بكل إخواتي الزملاء مش لوحدي، وفضل ربنا ودعوات إخواتي هو سر نجاح مسلسل حق عرب، وبهدي نجاح المسلسل لكل حد قالي كلمة حلوة في حياتي.

وأكد: كنت أتمنى أن والدتي تبقى عايشة وتشوف نجاحي، ولكن أبويا ربنا يخليه ليا كفاية أن أنا بفرحه وبشرفه دايمًا.

احمد العوضي يكشف مصير انتاج جزء ثاني من مسلسل حق عرب 

وعن إمكانية تقديم جزء ثاني من مسلسل حق عرب، قال احمد العوضي: أنا مش بميل لموضوع الأجزاء، أنا بحب أعمل كل مسلسل بقصة مختلفة عن التانية علشان مبقاش مرتبط بشخصية واحدة، أه هعمل التيمة الشعبي ولكن بخلاف القصص والشخصيات والصراعات، علشان يكون عندي تنوع أني أعمل قصص أكتر ومحبش أني أكون مرتبط بـ عرب السويركي أو أي شخصية تانية عملتها.

جدير بالذكر، أنه يعاد في الفترة الحالية مسلسل حق عرب للفنان أحمد العوضي وذلك على شاشة قنوات الحياة، حيث قررت بثه للمرة الثانية وذلك بداية من اليوم السبت الموافق 25 من شهر مايو، على أن يتم عرضه في تمام الساعة التاسعة مساء.