خاص| قبل انطلاق مباراة نهائي دوري أبطال أفريقيا.. أحمد فهيم: يارب الأهلي يكسب وتكتمل فرحتنا

تمنى الفنان المصري أحمد فهيم الفوز للنادي الأهلي في مباراة نهائي دوري أبطال أفريقيا التي تنطلق مساء اليوم السبت الموافق 25 مايو الجاري.

أحمد فهيم: يارب تكتمل فرحة المصريين بعد فوز الزمالك بالكونفدرالية

وقال أحمد فهيم في تصريح خاص لموقع تحيا مصر: يارب نكسب والأهلي يفوز النهاردة وتكتمل فرحة المصريين بعد فوز الزمالك بالكونفدرالية.

تصريحات أحمد فهيم عن خاله أحمد خالد صالح

هذا وقال أحمد فهيم خلال لقائه مع المذيعة نورهان عبد الفتاح، في برنامج زووم ونص، المذاع عبر شاشة قناة “هي": المرحوم خالد صالح كان خالي وأخويا الكبير وصاحبي وكل حاجة في حياتي، واشتغلت معاه 15 سنة بداية من فيلم خلي الدماغ صاحي والنعامة والطاووس وميدو مشاكل وهي فوضة، رحلة كبيرة اتعلمت منه كل حاجة مش في التمثيل بس في الحياة كمان، لو فيا حاجة حلوة تبقى من المرحوم خالد صالح.

وتابع: لما قولتله إني عايز أمثل قالي مفيش حاجة اسمها عايز تمثل، ينفع تقول أنا عايز أبقى دكتور أو محامي؟ التمثيل مهنة زيها زي الدكتور والمحامي لازم تتعلم الأول وبعدين تقول أنا عايز أمثل، أتعلم الأول واتمن من أدواتك وبعدين نقول أنك ينفع تمثل، وبالفعل فضلت 10 سنين بتعلم وبتفرج، يارب أكون اتعلمن وأكون قادر أقدم للناس حاجة تليق بيهم.

وأضاف، أنا اشتغلت في الحلويات زمان وحاجات كتير مش حلويات بس، اشتغلت مندوب مبيعات، وفي معرض عربيات، بس ولا حاجة اشتغلتها وكنت ناوي أكمل فيها، أنا كنت ناوي أبقى ممثل ومستني الفرصة، وكل اللي كنت بشتغله كنت بتعلم منه اللي فادني في التمثيل.

واستطرد، أنا مش طول الوقت مع أولادي بحكم شغلي، وبحاول على قد ما أقدر لما يكون في وقت فاضي أشوفهم وأسافر معاهم، والحمد لله أولادي متفهمين طبيعية شغلي، وطبعًا جدًا فرحانين بنجاحي وأصحابهم اللي مكانوش بيكلموهم من زمان يكلموهم تاني، وبقى عدهم حالة من الفرحة وأنا مبسوط إني سبب في سعادتهم، وأولادي الصغيرين لما بيمشوا معايا ويشوفوا الناس بتتصور ومعايا بقوا هما كمان يقفوا معايا يتصوروا، الحمد لله عايش حالة فنية وأسرية ناجحة.

وأردف، أنا مش أب شديد خالص أنا سهل وكل اللي يهمني إني ابسطهم ونفسي أحقق لهم كل اللي بيتمنوه، ولغاية دلوقتي محدش منهم فكر إنه يدخل الوسط الفني، وربنا يوفقهم في أي مجال يختاروه.

وتألق أحمد فهيم في مسلسل فراولة تأليف محمد سليمان عبد المالك، وإخراج محمد على وإنتاج شركة "sky limit" للمنتج أحمد دسوقى وبطولة نيللى كريم، شيماء سيف، صدقى صخر، أحمد فهيم، علا رشدى، حجاج عبد العظيم، دنيا سامى، تونى ماهر وعدد كبير من ضيوف الشرف منهم الفنانة سمر مرسى.

أحمد فهيم يحقق نجاح واسع في مسلسل جعفر العمدة 

كما حقق نجاح واسع في مسلسل جعفر العمدة بطولة محمد رمضان، زينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، عماد صفوت، جورى بكر، طارق النهرى، أحمد عبد الله، إحسان الترك وضيف الشرف بيومى فؤاد، ومن تأليف وإخراج محمد سامى، وشارك فى السيناريو والحوار مهاب طارق.