عاجل
الأحد 21 يوليو 2024 الموافق 15 محرم 1446
رئيس التحرير
عمرو الديب

شقيق شيرين عبد الوهاب: كنتي هتتسببي في حبسي ظلم وأنا بحاول أحميكي واحمي ولادك

شيرين عبد الوهاب
شيرين عبد الوهاب وشقيقها

خرج محمد عبد الوهاب، شقيق الفنانة شيرين عبد الوهاب ليفتح النار على الفنانة، وذلك بعد اتهامها له بسرقة حساباتها على مواقع التواصل الاجتماعي وتعرضها للاعتداء والضرب على يده، مؤكدة كلام طليقها حسام حبيب.

شقيق شيرين عبد الوهاب يفتح النار عليها 

وقال شقيق شيرين عبد الوهاب في منشور رصده موقع تحيا مصر على حسابه الرسمي بموقع فيسبوك، معلقا على مرفق أسنده لإثبات حديثه: كل  واحد عنده قدرة على تحمل الأذى لكن للقدرة دي حدود، ده قرار النيابة العامة بالحفظ إداريًا في كل الاتهامات اللي اتوجهت ليا بتاريخ 19/12/2022 يعني من سنتين. 

مستند شقيق شيرين عبد الوهاب 

وتابع حديثه قائلا: ايه هي بقي الاتهامات دي؟ كسر الضلع والعشرين راجل اللي دخلت بيهم على اختي! وطبعا موضوع السكينة! واتسألت علي التوكيل بتاعي وبتاع امي من وكيل النيابة المحترم وكله مثبت، س سوال ج جواب. التوكيل اللي بتقول ان انا أسأت استخدامه!، وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها ان بنتها اتنازلت وانا  أستحمل أي حاجة إلا إنها تتوجع في ولادها. 

شيرين عبد الوهاب 

شقيق شيرين عبد الوهاب: رضيت بالظلم لوحدي واللي حواليكي خسروكي أهلك

وأضاف شقيق شيرين عبد الوهاب: وبناء عليه رضيت بالظلم لوحدي لكن الحقيقة غير كده، انا اتطلبت في النيابة واتسألت رسمي وتم اخلاء سبيلي من النيابة على ذمة القضية لحد مااتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني انهارده أطلع أقول جزء من الحقيقة للناس رغم إن ده آخر حل كنت أحب ألجأ ليه. وده حق ربنا لا ظلم ولا افترى. 

شقيق شيرين عبد الوهاب: كنت بحاول أحميكي وأحمي بناتك 

واختتم شقيق شيرين عبد الوهاب حديثه: الكلام اللي من سنتين بيتعاد تاني معرفش لمصلحة مين مع اني بعيد عنك وعن حياتك من سنين قبل الواقعة وسنتين من بعدها.  ده قرار النيابة العامة الموقرة في الافتراءات اللي اتوجهتلي، مش بيان من محامي وأي حاجه هرد بيها هتكون مستند حكومي عليه ختم النسر ومرفق هنا الفيديو بتاريخ 11/11/022 اللي قولتي فيه انك اتنازلتي ولعبتي دور الضحية، ومرفق برضو المستندات الرسمية اللي بتثبت ان القضية فضلت شغالة  وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك  ويحمي بناتك.

تابع موقع تحيا مصر علي