مطرب الراب محمود عبد الرازق يعلن اعتزاله: خايف أكون من الذين ضل سعيهم في الحياة

أعلن مطرب الراب محمود عبد الرازق اعتزاله الغناء بشكل رسمي، مشيرا إلى أن القرار صعب للغاية لكنه لا يريد أن يكون من الذين ضل سعيهم في الحياة الدنيا وهم يحسبون أنهم يحسنون صنعا، وذلك في فيديو نشره عبر حسابه الرسمي بموقع تبادل الصور والفيديوهات انستجرام.

مطرب الراب محمود عبد الرازق يعلن اعتزاله  

وقال مطرب الراب محمود عبد الرزاق في الفيديو الذي رصده موقع تحيا مصر: أخواتي الأعزاء السلام عليكم، أنا طالع أقول بكل بساطة إن أنا الحمد لله قررت الاستغناء بالله عن الغناء والاستماع إلى الموسيقى بشكل نهائي إن شاء الله، قرار صعب جدًا، لكن أنا بصراحة خايف جدًا في كام سؤال وإشارة مش قادر أتجاهلهم، خايف أكون من الذين ضل سعيهم في الحياة الدنيا وهم يحسبون أنهم يحسنون صنعا.

وتابع محمود عبد الرازق حديثه: الموضوع مرعب بصراحة وده مش تسويق ولا حركة من الحركات، والواحد كان على أعتاب خطوات مهمة في مشواره لكن سبحان الله، ده أكيد الخير وربنا بحكمته احتسبه عند الله يبدلني بيه خير، لو حد زعلان مني أو شايف إني غلطان أنا أسف وأشوفكم على خير.

نجوم أعلنوا اعتزالهم الغناء 

وجدير بالذكر، أن محمود عبد الرازق ليس الأول، فسبق وأعلن مطرب المهرجانات الشعبية علي قدورة تلك المهنة، قائلا: السلام عليكم في يوم جمعة مبارك  انا علي عبد القادر السيد ، الشهير ب علي قدورة كنت مغني قبل النهاردة  في حاجة حصلتلي مش عارف اية هي بس الحاجة دي هي الي بتخليني اتكلم دلوقتي انا بريء من كل عمل او مزيكا عملتها في حياتي و بعلن  اعتزالي عن مجال الاغاني لحد ما يفتكرني ربنا.

وتابع: يارب سامحني عن اي حاجة انا عملتها في حياتي او اي حاجة صدرت مني و يارب قربني ليك و افتحلي باب رزق يرضيك  و مفيهاش حاجة لو بدأت من جديد في اي شغل بالحلال و اي فلوس معايا انا هسيبها بالرضي لأهلي و مش عارف هيبقي الصح اية و هبقي لا امتلك الا " صفر "  وربنا يثبتني في الطريق دة و مش هطول عليكم بس دي نيتي و ربنا كريم و كبير و " غفور رحيم.

ويجز يعلق على اعتزال شهد سعيد: لا تكن كارها فلن تفوز أبدًا

بعد شائعة وفاته.. هل غياب محيي إسماعيل عن الفن اعتزال أم تجاهل المنتجين له؟

أدهم نابلسي: الهدف اللي كنت بحلم بيه لا يرضى رب العالمين 

وكان ادهم نابلسي من بين الاشخاص الذين تخلوا عن حلمهم لإرضاء الله، حيث قال: الهدف اللي كنت بحلم بيه ما بيرضى رب العالمين، وأنا من زمان كنت عارف أن هييجي يوم واعتزل وجه اليوم وهعلن خبر سعيد جدًا.. الحمد لله اعتزلت الغناء وشكرًا على دعمكم.