شقيق بطلة رفع الأثقال سارة سمير: شقيقتي حزينة بسبب فشل حصولها على الميدالية الذهبية (فيديو)

تحدث شقيق بطلة رفع الأثقال سارة سمير، عن ردت فعل أسرتها على تتويجها بالميدالية الفضية فى أولمبياد باريس 2024. 

تحيا مصر، وقال شقيق سارة سمير بطلة رفع الأثقال خلال تصريحات خاصلة لموقع تحيا مصر:" مبروك لشعب مصر وديماً موفقين، ورفعين علم مصر فى كل مكان إن شاء الله".

وتابع شقيق سارة سمر قائلاً:" زي كل الناس كنا بنتفرج على الماتش ومتابعين، والحمدلله إنها عدت على خير، كانت هم كبير أوي، والجميع كان متحامل على الموضوع ومضغوط ليها، والحمدلله ربنا كرمها".

وعن تجهيزات شقيقته قبل السفر للمشاركة فى أولمبياد باريس رد قائلاً:" بالطبع لعبة رفع الأثقال رقمية،ومعسكرات داخلية مفيش راحة خالص، فكان الموضع مش بالسهل، والحمد لله على قد المجهود والتعب لقينا النتيجة".

ووأصل قائلاً:" كنا بنسبة كبيرة متوقعين  إن تكسب الميدالية الفضية، وإن شاء الله المرة اللي جاية تكون ذهبية".

واستكمل قائلاً:" قبل سفر شقيقتي كنت بهيئها نفسياً عشان تقدر تتعامل مع الأمور والضغوط النفسية فى الفترة اللي فاتت، في الألعاب الفردية، كمان بسبب منافساتها كانت قوية، ولكن الحمد لله قدرت تتخطي".

وأردف قائلاً:" أنا في البداية كنت حامل أثقال وسارة كانت بتتفرج عليه وهي صغيره فى سن 11 سنة، والحمدلله خاضة التجربة ونجحت فيها".

وقال شقيق سارة سمير بطلة رفع الأثقال:" اللي وصلتله شقيقتي بجهود مشتركه سواء من العائلة أو من الوزارة كل وأحد ليه دور فى تتوجها بالميدالية الفضية والحمدلله".  

وأختتم شقيق سارة سمير بطلة رفع الأثقال: كلمنا سارة بعد فوزها بالميدالية الفضية ولكن هي كانت زعلانه عشان كان نفسها فى الذهبية، ورد فعلى بعد فوزها كان راحة نفسياً طبعا بعد الضغط اللي كنا فيه والحمدلله توفيق من ربنا على النتيجة الكويسة دي".

سارة سمير

وتمكنت سارة سمير أن تحقق الميدالية الفية في أولمبياد باريس 2024 وحصلت بطلة النرويج على الميدالية الذهبية بمجموعة 275، بينما جاءت سارة سمير في المركز الثاني وحققت 268 كجم.

وبذلك تحقق سارة سمير الميدالية الثانية للبعثة المصرية في أولمبياد باريس 2024 بعد ميدالية محمد السيد في السلاح وحصوله على الميدالية البرونزية.

وشهدت البعثة المصرية في أولمبياد باريس 2024 عدم تحقيق الميدالية المأمولة في المنافسات، ويتبقى منافسة أحمد الجندي في الخماسي الحديث من أجل تحقيق ميدالية جديدة للبعثة المصرية في باريس 2024.