حودة بندق: الغناء حرام وبفكر كتير اعتزل وبرفض وجود الرقصات لهذا السبب

كشف مطرب المهرجانات حودة بندق، عن تفاصيل اغنيته الجديدة المتصدرة تريند يوتيوب لأكثر من ٣ شهور والتي تحمل اسم روقان، وعن رأيه في حرمانية الغنا وهل يفكر في الاعتزال وعن النجم الذي يتمنى ان يجمعه دويتو به الفترة القادمة.

حودة بندق: مبسوط بنجاح أغنية روقان وخايف أغضب ربنا

وقال حودة بندق، خلال لقاءه مع الإعلامي هشام السيوفي في برنامج "قعدة معلم" والذي رصده موقع تحيا مصر: "سعيد جداً بالنجاح الكبير اللي حققته اغنيتي الجديدة روقان، واللي تصدرت تريند موقع الفيديوهات يوتيوب لأكثر من ٣ شهور وحققت حوالي 40 مليون مشاهدة حتى الأن، وبسعى لتقديم الأفضل دائما للجمهور".

وكشف حودة بندق، عن الشئ الذي يخاف منه، قائلا: "بخاف أغضب ربنا وفكرة اعتزال الغناء بتيجي في بالي كتير جدا أني أسيب المجال وأفتح چيم".

حودة بندق: الغناء حرام ومانع وجود الرقصات معايا 

وعن رأيه في حرمانية الغناء، قال: هو في ناس كتير قالت حرام وناس قالت إنه حلال وأنا مش متخصص في الكلام ده وفي ناس متخصصين فيه هما اللي يقدروا يقولوا الكلام ده، ولكن من رأي طبعا الغنا حرام".

وأكد بندق، خلال اللقاء، علي انه يرفض دائما الغناء في الملاهي الليلة، قائلاً: مبغنيش في نايت ومانع اني أغني في وجود راقصة.

وأضاف بندق: ماليش في الفشخرة ومبحبش الغرور وبحب دايماً أكون في حالي، وبتمنى أعمل دويتو مع تامر حسني بحبه جداً لأنه مجتهد وبيشتغل علي نفسه وقريب من الناس واتمنى اني أقابله.

حودة بندق يطرح أحدث أغانيه بعت قلبي ليه.. تفاصيل

حودة بندق يطرح أغنية أنا هدية

حودة بندق يتألق في أغنية روقان

وكان قد تألق حودة بندق في أغنية روقان والتي حققت ملايين المشاهدات على موقع الفيديوهات الشهير يوتيوب، وكانت ضمن أغنيات مسلسل بابا المجال والذي تم عرضه في رمضان قبل الماضي وخاض بطولته الفنان مصطفى شعبان، وتقول كلماتها: بنودع اللي راح وبنقفل ببانو بنسك بالمفتاح على كل اللي خانو عايزين من الحب محبه وحد يحبنا حبه كمان نستاهل حد حنين يشيلنا في عيونه الزعل مش عشانا والدلع ده لينا الحاجه الحلوه دايما اللي تليق علينا جيلنا اللي يقدرنا عشان نستاهل حب كبير وبنبعد بقى ونغادر اللي عايز ياذينا.