بعد طلبها العمل مع شيخة.. مها أحمد: أنا هانم والخلايجة بيعشقوا فنانين مصر

خرجت الفنانة مها أحمد للحديث عن تعرضها للهجوم بعد الفيديو الأخير لها التي تكشف به رغبتها في العمل خارج مصر مع شيخ أو شيخة في اي دولة عربية، وأنها تسعى وتطمح لتحقيق هذا الحلم من خلال موقع تيك توك، الأمر الذي جعل الجمهور يوصفها بالخادمة.

مها أحمد: أنا هانم وأما قولت عايزة أشتغل عند شيخة عشان الخلايجة بيحبوا الفن المصري 

وقالت مها أحمد في فيديو رصده موقع تحيا مصر عبر حسابه الرسمي بموقع تبادل الصور والفيديوهات انستجرام: أنا صحيت على إن الدنيا مقلوبة والجمهور اللي بيحبني ومش متنمر زعلان إني بقول عاوزة أشتغل عند شيخ .. أنا مليش ذنب بميولك أو إن عندك خلفية بإن اللي بتشتغل عند شيخ بتروح تشتغل خدامة.

وتابعت مها أحمد حديثها، قائلة: لكن أنا هانم .. ولما كنت بتكلم اني عاوزة أشتغل عند شيخة أو شيخ من الشيوخ فده بناء على تاريخ الفن اللي أنتم جاهلين بيه .. لأن أعمال فنية مصرية كتير متصورة في استوديوهات شيوخ خلايجة .. وكان في ستوديوهات هنا مملوكة لشيوخ وكنا بنروح نصور عندهم .. وفي شيوخ خلايجة ومنتجين بيعشقوا الفن هناك.

مها أحمد: فنانين مصر كلهم سابوا مصر وراحوا لتركي آل الشيخ يشغلهم 

وأضافت مها أحمد في حديثها، قائلة: فنانين مصر كلهم سابوا مصر وراحوا لتركي آل الشيخ مش بس الممثلين ده كمان المطربين ولا هما ليهم كويس ولمها أحمد وحش، وهتطلعوا تقولوا بتتلزق في تركي آل الشيخ عشان يشغلها، لا انا بجري ورا اي شيخ على التيك توك مش تركي آل الشيخ اي حد لحد ما تجيلي الفرصة وبطلوا تتنمروا بقى.

وسبق وظهرت مها أحمد في لايف على موقع تيك توك وهي تقول: بسف على السفافين وبتمزج وشغلي على التيك توك طول ما فيه فلوس مش هسيبه لأنك مش هتنفعيني ياروح أمك، أنا ممكن أروح أتعالج على نفقة الدولة مانا فنانة بس هتقولولي بتاخدي فلوس الناس الغلابة، فأنا سيبالكم فلوس الناس الغلابة.

مها أحمد ترد على منتقديها: اسألوا ربنا احنا ليه بنكبر.. ومقدرش أبقى خشنة زي الرجالة

مها أحمد: حسبي الله ونعم الوكيل في الوسط الفني كله بقى شللية

مها أحمد: عايزة اعمل علاقات مع الناس الجامدة يمكن ياخدوني يشغلوني 

واختتمت مها أحمد حديثها: عايزة اعمل علاقات مع الناس الجامدة برة يمكن ياخدوني يشغلوني أو شيخة تشوفني وتاخدني تشغلني معاها، بس عمري ما هشتغل هنا عشان انتو متنمرين ولسانكم قليل الادب، وإحنا متعودين ناخد هدايا من الماركات الكبيرة أما انتو عشان معفنين تشوفوها شحاتة عشان عندكم نقص، هتفسح واتدلع واكيدكم وأي مكان فيه شغل وفلوس زي أنا قاعدة فيه.