مها أحمد: جوزي بيجبلي الفلوس وبيحطها بين ايديا ويقولي اتصرفي

ردت الفنانة مها أحمد على منتقدي طلبها لعمل فني في ظل وجود زوجها الفنان مجدي كامل، مشيرة إلى أنه يعطيها أموالا كثيرة ولكن هو يعلم أن زوجته فنانة ومن حقها أن تعمل مثل باقي الفنانات وليس الأمر في الحصول على مال فقط، إنما في كونها ممثلة.

مها أحمد: مجدي كامل بيصرف عليا ومكفي وموفي 

وقالت مها أحمد في تصريحات رصدها موقع تحيا مصر في فيديو نشرته عبر حسابه الرسمي بموقع تبادل الصور والفيديوهات انستجرام: بتسألوني فين الدكتور مجدي يصرف عليكي، لا هو بيصرف عليا من زمان أوي، مكفي وموفي، بيجيب الفلوس ويحطها بين إيدين مراته ويقولها اتصرفي، هاتي اللي نفسك فيه.

وأضافت: والدكتور مجدي واخد مراته ممثلة بتشتغل، فهو عارف كويس أوي إني لازم أشتغل، مسألتهوش ليه أيام ما كان بيمثل وأنا بمثل، ليه بتخلي مراتك تمثل ما تقعدها في البيت ولا حلو السؤال دلوقتي عشان التنمر زاد.

مها أحمد: أنا الفنانة الوحيدة اللي كنت نجمة من أول يوم ليا في المعهد والتاريخ يشهد

واستكملت مها أحمد: لما قولت إني بدور على شغل مزعلتوش على تاريخي اللي هدتوه وقولتوا اني بتسول وبشحت الشغل، وقولتوا اني كومبارس، والله شرف ليا إني كومبارس رغم اني كنت أول فنانة كانت نجمة من أول يوم ليا في المعهد وعملت بطولة مسلسلين وفيلم ومسرحية والتاريخ يشهد.

وكانت بدأت مها أحمد الفيديو وهي تقول: أنا صحيت على إن الدنيا مقلوبة والجمهور اللي بيحبني ومش متنمر زعلان إني بقول عاوزة أشتغل عند شيخ .. أنا مليش ذنب بميولك أو إن عندك خلفية بإن اللي بتشتغل عند شيخ بتروح تشتغل خدامة، أنا هانم .. ولما كنت بتكلم اني عاوزة أشتغل عند شيخة أو شيخ من الشيوخ فده بناء على تاريخ الفن اللي أنتم جاهلين بيه .. لأن أعمال فنية مصرية كتير متصورة في استوديوهات شيوخ خلايجة .. وكان في ستوديوهات هنا مملوكة لشيوخ وكنا بنروح نصور عندهم .. وفي شيوخ خلايجة ومنتجين بيعشقوا الفن هناك.

بعد طلبها العمل مع شيخة.. مها أحمد: أنا هانم والخلايجة بيعشقوا فنانين مصر

مها أحمد ترد على منتقديها: اسألوا ربنا احنا ليه بنكبر.. ومقدرش أبقى خشنة زي الرجالة

مها أحمد تطلب العمل مع شيوخ 

وكانت قد خرجت مها أحمد في فيديو منذ يومين وهي تعرب عن أمنيتها في العمل مع شيخ أو شيخة وتحاول أن تكسب علاقات قوية حتى يأخذوها للعمل خارج مصر للبعد عن التنمر الذي تلقاه هنا، مشيرة إلى أنها لن تترك مجال التيك توك كلما كثرت أمواله واي عمل به مال لن تتركه أبدا حتى لو ضغط عليها جمهورها في ذلك.